23:46 28 հոկտեմբերի 2020
Ուղիղ եթեր
  • USD492.71
  • GBP638.90
  • EUR578.69
  • RUB6.31
Աշխարհ
Ստանալ կարճ հղումը
Ադրբեջանական ագրեսիան Արցախում - 2020 (1742)
67310

Համանախագահող երկրների արտգործնախարարները կրկին հակամարտության կողմերին կոչ են արել անհապաղ հրադադարի ռեժիմ հաստատել։

ԵՐԵՎԱՆ, 5 հոկտեմբերի – Sputnik. ԵԱՀԿ ՄԽ համանախագահ երկրների ԱԳՆ ղեկավարներն ամենավճռական ձևով դատապարտում են աննախադեպ և վտանգավոր էսկալացիան ԼՂՀ հակամարտության գոտում և նրա սահմաններից դուրս։ Այս մասին ասված է ՌԴ–ի, Ֆրանսիայի և ԱՄՆ–ի արտգործնախարարներ Սերգեյ Լավրովի, Ժան-Իվ Լը Դրիանի և Մայքլ Պոմպեոյի համատեղ հայտարարության մեջ։

«Նախարարներն անվերապահորեն ընդգծում են, որ վերջերս տեղի ունեցած հարձակումները, որոնց թիրախը հավանաբար քաղաքացիական օբյեկտներն են` ինչպես շփման գծի երկայնքով, այնպես էլ Հայաստանի և Ադրբեջանի  տարածքներում` ԼՂՀ հակամարտության գոտուց դուրս, նման հարձակումների անհամաչափությունն անթույլատրելի սպառնալիք են տարածաշրջանի կայունության համար», – ասվում է հայտարարության մեջ։

Համանախագահող երկրների արտգործնախարարները կրկին հակամարտության կողմերին կոչ են արել անհապաղ հրադադարի ռեժիմ հաստատել։

Համանախագահող երկրները լրջորեն տրամադրված են ՄԽ անդամ երկրների աջակցությամբ ամբողջությամբ իրականացնել ԵԱՀԿ-ի և միջազգային հանրության կողմից իրենց վստահված մանդատը։ Այդ մանդատի համաձայն` նրանք կշարունակեն հետևողականորեն ընդլայնել կողմերի հետ համագործակցությունը ` կոչ անելով նրանց անհապաղ պարտավորվել վերականգնել բանակցությունները առկա հիմնական սկզբունքների և համապատասխան միջազգային փաստաթղթերի հիման վրա, որոնք քաջ հայտնի են երկու կողմերին էլ։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 5-ի ժ. 13։00-ի դրությամբ` հակառակորդի կրակոցների հետևանքով զոհվել են 223 զինծառայողներ և 18 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 3154 զոհ ունի, ավելի քան 5000 վիրավոր։

Ըստ վերջին տվյալների ՝ Ադրբեջանի զինված ուժերը կորցրել են 17 ինքնաթիռ, 14 ուղղաթիռ, 124 անօդաչու սարք, 3 ՏՈՍ-1 «Սոլնցեպեկ», 4 «Սմերչ» համազարկային կրակի ռեակտիվ համակարգ, 368 տանկ և ՀՄՄ:

Առաջնագծում գտնվող տղաներն անում են անհնարինը. տեսանյութ

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։

Հայացք թաքստոցից․ մահվան աչքերին նայած արցախցիները․ լուսանկարներ

թեմա:
Ադրբեջանական ագրեսիան Արցախում - 2020 (1742)

Ըստ թեմայի

Փաշինյանը զանգել է Պուտինին. քննարկվել է ԼՂ հակամարտության խնդիրը
Զոհվում են անմեղ մարդիկ. ՄԱԿ-ը կոչ է արել դադարեցնել կրակը ԼՂ հակամարտության գոտում
Վստահ եմ՝ ՌԴ-ն տարածաշրջանային անվտանգության ապահովման գործում իր դերը կկատարի. Միրզոյան
թեգերը:
Արցախ, Ղարաբաղյան հակամարտություն, Լեռնային Ղարաբաղ, ԵԱՀԿ Մինսկի Խումբ, Ադրբեջան, Հայաստան, Ռուսաստան, Ֆրանսիա, ԱՄՆ, Մայք Պոմպեո, Սերգեյ Լավրով

Գլխավոր թեմաներ