ԵՐԵՎԱՆ, 8 հոկտեմբերի - Sputnik. Դաղստանի Չիրագ գյուղում մետաղյա բեկորներ և փոս են հայտնաբերել, ենթադրվում է, որ դրանք մարտական արկի մասնիկներ են։ Տեղեկությունը հայտնում է ՌԻԱ Նովոստին:
Նշվում է, որ գյուղը գտնվում է Ադրբեջանի սահմանից 40 կմ հեռավորության վրա։ Մեկ շաբաթ առաջ գյուղացիները որոտ հիշեցնող ձայներ են լսել, բայց ոչ ոք ուշադրություն չի դարձրել:
Մետաղյա բեկորները հայտնաբերել է հովիվը։ Ագուլսկի շրջանի ղեկավար Զաքիր Քաիդովի խոսքով՝ հայտնաբերված բեկորները կտեղափոխեն շրջկենտրոն, կլուսանկարեն ու կհանձնեն պատկան մարմիններին:
Նա ասել է, որ իրավասու մարմինները կպարզեն, թե ինչպես են բեկորները հայտնվել գյուղում։
Посмотреть эту публикацию в Instagram
Ավելի վաղ հայտնել էինք, որ Իրանի տարածքում` Հայաստանին ու Ադրբեջանին սահմանակից նահանգում, մի քանի արկ է ընկել, ինչի հետևանքով վեց տարեկան երեխա է վնասվածքներ ստացել, տուժել են որոշ բնակելի տներ ու գյուղատնտեսական տարածքներ։
Մեր տարածք արկերի ընկնելն անընդունելի է․ Իրանի ԱԳՆ
Իրանի պաշտպանության նախարար Ամիր Հաթամին Լեռնային Ղարաբաղի հակամարտության կողմերին նախազգուշացրել է, որ Թեհրանն ավելի կոշտ միջոցներ կձեռնարկի, եթե մարտերում արձակված արկերը շարունակեն հարվածել իրանական տարածքներին: Ավելի ուշ հայտնի դարձավ, որ ադրբեջանական կողմը Իրանից ներողություն է խնդրել իրանական տարածք հրթիռներ արձակելու համար։
