21:21 22 հոկտեմբերի 2020
Ուղիղ եթեր
  • USD494.31
  • GBP647.00
  • EUR584.77
  • RUB6.42
Աշխարհ
Ստանալ կարճ հղումը
Ադրբեջանական ագրեսիան Արցախում - 2020 (1489)
463 0 0

ՄԱԿ-ում ՀՀ մշտական ներկայացուցիչն ասել է, որ հարձակում գործելուց մեկ շաբաթ առաջ Ադրբեջանը փակել է օդային հաղորդակցությունը, պատրաստել ռազմական ռեզերվը, բռնագրավել քաղաքացիական բեռնատարները ռազմական կարիքների համար։

ԵՐԵՎԱՆ, 12 հոկտեմբերի – Sputnik. Ադրբեջանը նախապես հարձակում է ծրագրել Լեռնային Ղարաբաղի վրա։ Տեղեկությունը ՄԱԿ-ում ՀՀ մշտական ներկայացուցիչ Մհեր Մարգարյանը հայտնել է ՄԱԿ-ի Գլխավոր վեհաժողովի Առաջին հանձնաժողովի (Զինաթափում և միջազգային անվտանգություն) նիստում։

«Նրանց հարձակումը Լեռնային Ղարաբաղի ժողովրդի վրա իրականացվել է Թուրքիայի ու Թուրքիայի կողմից աջակցություն ստացող արտասահմանյան գրոհային ահաբեկիչների մասնակցությամբ, ինչը 90-ականներից ի վեր տարածաշրջանում ամենավտանգավոր իրավիճակն է ստեղծել», - ասել է Մարգարյանը։

Նա հավելել է, որ լայնածավալ հարձակման թափն ու բնույթը վկայում են, որ այն ծրագրված է եղել։

Նրա խոսքով՝ ադրբեջանական կողմը նախապես կենտրոնացրել է հարյուրավոր մարտական տանկեր, ծանր հրետանի, համազարկային կրակի ռեակտիվ համակարգեր, մարտական ինքնաթիռներ, ուղղաթիռներ ու ԱԹՍ-ներ։

«Ադրբեջանը հարձակումից մեկ շաբաթ առաջ փակել է օդային հաղորդակցությունը, պատրաստել է ռազմական ռեզերվը, բռնագրավել է քաղաքացիական բեռնատարները ռազմական կարիքների համար», - նշել է ՀՀ մշտական ներկայացուցիչը։

Կասետային զինատեսակներ․ ինչո՞ւ են դրանք արգելված

Նա նշել է նաև, որ սեպտեմբերի 25-ին` մարտական գործողություններից երկու օր առաջ, «Ադրբեջանի պաշտպանության նախարարությունը մերժել է ԵԱՀԿ դիտորդների հարցումը շփման գծի երկայնքով մոնթորինգ անցկացնելու վերաբերյալ»։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 12-ի ժամը 20։00-ի դրությամբ` հակառակորդի կրակոցների հետևանքով զոհվել են 525 զինծառայողներ և 20 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 4919 զոհ ունի, ավելի քան 5000 վիրավոր։ 

Ըստ վերջին տվյալների՝ Ադրբեջանի զինված ուժերը կորցրել են 17 ինքնաթիռ, 16 ուղղաթիռ, 168 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 514 տանկ և ՀՄՄ:

Ինչին պետք է ընտելանանք, եթե Ադրբեջանի հետ պատերազմը երկարի

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ Զոհվել է 2 քաղաքացիական անձ։

Հրադադար, բայց ոչ խաղաղություն. ի՞նչ խնդիր պետք է լուծի բանակը արցախյան պատերազմից հետո

թեմա:
Ադրբեջանական ագրեսիան Արցախում - 2020 (1489)

Ըստ թեմայի

Արման Թաթոյանը ՄԱԿ երկու զեկույց կուղարկի` լրագրողների և վարձկանների հարցով
Ադրբեջանը գնդակոծում է Արցախը ՄԱԿ-ի կողմից արգելված կասետային ռումբերով. տեսանյութ
Զոհվում են անմեղ մարդիկ. ՄԱԿ-ը կոչ է արել դադարեցնել կրակը ԼՂ հակամարտության գոտում
թեգերը:
Պատերազմ, Արցախ, Միավորված ազգերի կազմակերպություն (ՄԱԿ)

Գլխավոր թեմաներ