ԵՐԵՎԱՆ, 13 հոկտեմբերի – Sputnik. ԱՄՆ նախագահ Դոնալդ Թրամփի կորոնավիրուսային թեստերի վերջին արդյունքները բացասական են եղել։ Տեղեկությունը հայտնում է ՌԻԱ Նովոստին` հղում անելով Թրամփին բուժող Շոն Կոնլին։
«Նախագահի վերջին թեստերի վերաբերյալ ձեր հարցմանն ի պատասխան կարող եմ հայտնել, որ մի քանի օր շարունակ թեստերի արդյունքները բացասական են», - ասված է բժշկի հաղորդագրության մեջ, որն ուղղված է Սպիտակ տան մամուլի քարտուղար Քեյլի Մակինանիին:
Ավելի վաղ Թրամփն ինքն էր ասել, որ վարակվել է կորոնավիրուսով։ Հետո բժիշկները հայտնեցին, որ նախագահի վիճակը շարունակում է բարելավվել, և նա կարող է դուրս գրել հիվանդանոցից։ Բայց դրա հետ մեկտեղ նշվում էր, որ ԱՄՆ նախագահը բարձր ջերմություն ունի։
Թրամփի հիվանդության մասին տեղեկություններ տարածվեցին նրա և Դեմոկրատական կուսակցությունից ԱՄՆ-ի նախագահի թեկնածու Ջո Բայդենի միջև ընթացող նախընտրական արշավի ընթացքում:
ԶԼՄ-ների տվյալներով՝ Բայդենը Թրամփին գերազանցում է ընտրողների շրջանում ժողովրդականության ցուցանիշով: Նախագահական ընտրությունները կանցկացվեն նոյեմբերի 3-ին, մի շարք նահանգներում արտահերթ քվեարկությունն արդեն սկսվել է:
