20:04 19 հոկտեմբերի 2020
Ուղիղ եթեր
  • USD492.40
  • GBP640.27
  • EUR578.91
  • RUB6.34
Աշխարհ
Ստանալ կարճ հղումը
125 0 0

Միացյալ Նահանգների պետքարտուղար Մայք Պոմպեոն Ղարաբաղում ստեղծված իրավիճակի մասին գրառում է արել։

ԵՐԵՎԱՆ, 13 հոկտեմբերի — Sputnik. Միացյալ Նահանգները Հայաստանին և Ադրբեջանին կոչ է անում կատարել հրադադարի վերաբերյալ պարտավորությունները։

Այս մասին Twitter–ի իր միկրոբլոկում գրառում է արել ԱՄՆ պետքարտուղար Մայք Պոմպեոն։«Կոչ ենք անում դադարեցնել հարձակումները քաղաքացիական բնակավայրերի վրա, ինչպիսիք են Ստեփանակերտը և Գյանջան (Գանձակ): Ցավում ենք մարդկային զոհերի համար։ Մենք հավատարիմ ենք խաղաղ կարգավորմանը»,–գրել է նա։

Հիշեցնենք` Հայաստանի և Ադրբեջանի արտգործնախարարներ Զոհրաբ Մնացականյանն ու Ջեյհուն Բայրամովը հոկտեմբերի 9–ին Մոսկվա էին մեկնել` խորհրդատվություններ անցկացնելու։ ՌԴ արտգործնախարար Սերգեյ Լավրովի հետ համատեղ հանդիպումը տևեց գրեթե 11 ժամ և ավարտվեց համաձայնագրի ընդունմամբ, որը հակամարտության կարգավորման չորս կետ է պարունակում։ Մասնավորապես, կողմերը պայմանավորվել են, որ հոկտեմբերի 10-ին, ժամը 12։00-ից սկսած հումանիտար նպատակներով հրադադար կհաստատվի ռազմագերիներին, այլ պահվող անձանց և զոհվածների մարմինները փոխանակելու համար՝ Միջազգային Կարմիր խաչի չափանիշներին համապատասխան։

Առաջընթացի մասին խոսելն անհնար կլիներ առանց այս իրավիճակին վերջնակետ դնելու. Մնացականյան

Սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 13-ի ժամը 10:30-ի դրությամբ` հակառակորդի կրակոցների հետևանքով զոհվել են 532 զինծառայողներ և 31 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 5139 զոհ ունի, ավելի քան 5000 վիրավոր։

Ըստ վերջին տվյալների՝ Ադրբեջանի զինված ուժերը կորցրել են 18 ինքնաթիռ, 16 ուղղաթիռ, 173 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 521 տանկ և ՀՄՄ:

Ինչին պետք է ընտելանանք, եթե Ադրբեջանի հետ պատերազմը երկարի

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ Զոհվել է 2 քաղաքացիական անձ։

Հրադադար, բայց ոչ խաղաղություն. ի՞նչ խնդիր պետք է լուծի բանակը արցախյան պատերազմից հետո

Ըստ թեմայի

Ինչու հենց հիմա պետք է ճանաչել Արցախի անկախությունը. Մելքումյանը պատմել է ԵԽԽՎ նիստից
Ադրբեջանը պատասխան կտա. ՊԲ-ն կոշտ հայտարարություն է արել
Թբիլիսին կրկին հավատացնում է, որ իր տարածքով ռազմական բեռներ չեն անցնում
թեգերը:
Ադրբեջան, Հայաստան, Ստեփանակերտ, Արցախ, Ղարաբաղյան հակամարտություն, Լեռնային Ղարաբաղ, Մայք Պոմպեո, ԱՄՆ

Գլխավոր թեմաներ