04:31 22 հոկտեմբերի 2020
Ուղիղ եթեր
  • USD494.37
  • GBP645.35
  • EUR585.48
  • RUB6.41
Աշխարհ
Ստանալ կարճ հղումը
187 0 0

Հունաստանն իր ձայնն արդեն իսկ բարձրացրել է արցախա–ադրբեջանական կոնֆլիկտի առնչությամբ և առաջինն էր, որ ԵՄ–ին դիմեց այդ կոնֆլիկտին արտաքին միջամտությունը բացառելու, ինչպես նաև կողմերին բանակցությունների տանելու կոչով։

ԵՐԵՎԱՆ, 16 հոկտեմբերի – Sputnik. Անկարայի միջամտությունը ևս մեկ կոնֆլիկտում շատ մտահոգիչ է։ Նման կարծիք հայտնեց աշխատանքային այցով Հայաստան ժամանած Հունաստանի արտգործնախարար Նիկոս Դենդիասը` ՀՀ ԱԳ նախարար Զոհրաբ Մնացականյանի հետ համատեղ ասուլիսի ժամանակ։

«Պետք է վերջ դրվի երրորդ կողմի միջամտությանը Ղարաբաղյան հարցում։ Անկարայի միջամտությունն այս կոնֆլիկտում միջազգային ասպարեզում լուրջ մտահոգություն է առաջացրել։ Թուրքիան պետք է դատվի գործողություններով, ոչ թե հայտարարություններով»,–ասաց Դենդիասը։

Նրա խոսքով` շատ կարևոր է, որ միջազգային հանրությունը հստակ տարբերակում մտցնի, թե ովքեր են լարում մտցնում հակամարտության մեջ և ովքեր են կառուցողական մոտեցում ցուցաբերում:

Դենդիասը հիշեցրեց` Հունաստանն իր ձայնն արդեն իսկ բարձրացրել է արցախա–ադրբեջանական կոնֆլիկտի առնչությամբ և առաջինն էր, որ ԵՄ–ին դիմեց այդ կոնֆլիկտին արտաքին միջամտությունը բացառելու, ինչպես նաև կողմերին բանակցությունների տանելու կոչով։

Հարցին, թե արդյոք դիտարկվում է Հայաստանի ներգրավվածության հարցը «հակաթուրքական կոալիցիայում»` Դենդիասը պատասխանեց, որ Կիպրոսի, Եգիպտոսի և այլ երկրների միջև հարաբերությունները կոալիցիա չեն ինչ–որ մեկի դեմ, այլ խաղաղություն սիրող ազգերի համախմբում են միայն։
Հունաստանի ԱԳ նախարարն ասաց, որ ուրախ կլիներ Թուրքիային էլ տեսներ այդ երկրների ցանկում, սակայն, ցավոք, Թուրքիան այս պահին կագնած է տարածաշրջանում ստեղծված ագրեսիայի հետևում։

Հույները 100 հազար դոլար են փոխանցել «Հայաստան» հիմնադրամին ու տապալել ադրբեջանական կայքը

Նշենք, որ աշխատանքային այցով Հայաստան ժամանած Հունաստանի արտգործնախարար Նիկոս Դենդիասն առավոտյան այցելել է Ծիծեռնակաբերդ։

Այցի շրջանակում Հունաստանի արտաքին գործերի նախարարին կընդունեն ՀՀ վարչապետ Նիկոլ Փաշինյանը և ՀՀ նախագահ Արմեն Սարգսյանը:

Ըստ թեմայի

Թուրքիան մասնակցում է արցախյան հակամարտությանը. Հունաստանի արտգործնախարար
Հունաստանը նույնպես ողջունում է հումանիտար հրադադարը և ավելին «պահանջում»
Թուրքիան 20 րոպե երկնքում է պահել Հունաստանի կառավարական ինքնաթիռը
թեգերը:
Հունաստան, Ադրբեջան, Թուրքիա, Ղարաբաղյան հակամարտություն, Լեռնային Ղարաբաղ, Արցախ, Զոհրաբ Մնացականյան, Հայաստան, Նիկոս Դենդիաս

Գլխավոր թեմաներ