08:01 27 հոկտեմբերի 2020
Ուղիղ եթեր
  • USD493.24
  • GBP643.48
  • EUR582.42
  • RUB6.45
Աշխարհ
Ստանալ կարճ հղումը
Ադրբեջանական ագրեսիան Արցախում - 2020 (1656)
57810

Սփյուռքի գլխավոր հանձնակատար Զարեհ Սինանյանը Sputnik Արմենիայի հետ զրույցում կարևորել է աշխարհի տարբեր անկյուններում հայ համայնքի կողմից անցկացվող բողոքի ակցիաները և նշել, թե որ դեպքում հնարավոր կլինի ցանկալի արդյունքի հասնել։ 

«Մենք պետք է կարողանանք հասնել Արցախի անկախության միջազգային ճանաչման». Սինանյան

Հասարակական և քաղաքական կարծիքի փոփոխության արդյունքում պետք է կարողանանք հասնել Արցախի անկախության միջազգային ճանաչմանը։ Sputnik Արմենիայի հետ զրույցում նման կարծիք հայտնեց  Սփյուռքի գլխավոր հանձնակատար Զարեհ Սինանյանը` մեկնաբանելով այս օրերին աշխարհի մի շարք երկրներում հայ համայնքի կողմից անցկացվող բողոքի ակցիաները։

Արդեն մի քանի օր է, ինչ աշխարհի տարբեր անկյուններում բնակվող հայերը բողոքի ակցիաներ են անցկացնում՝ քաղաքակիրթ աշխարհից պահանջելով ճանաչել Արցախի անկախությունն ու գործուն քայլեր ձեռնարկել ադրբեջանաթուրքական ահաբեկչությունը դադարեցնելու համար։ Զարեհ Սինանյանի խոսքով` բոլոր ակցիաներն էլ ինքնաբուխ են։

«Այդկերպ սփյուռքի մեր հայրենակիցները փորձում են իրենց նպաստը բերել հայրենիքին, իրենք էլ այդ ձևով են պայքարում»,- ասաց նա։

Հայաստանում սփյուռքի հանձնակատարի գրասենյակն այդ ակցիաներն ուղղորդելու որևէ լիազորություն չունի, սակայն, երբ մեր հայրենակիցներին հուզող հարցեր են ի հայտ գալիս, դրանք անպատասխան չեն մնում։

«Հարցերը բազմապիսի են, ուզում են հասկանալ, թե ինչ է տեղի ունենում ճակատում կամ ինչ է անհրաժեշտ այս պահին։ Մարդիկ ուզում են տեղեկացված լինել, սակայն մենք իրենց չենք ուղղորդում բողոքի ակցիաներ անցկացնելու հարցում, քանի որ չենք կարող միջամտել և այդ երկրների քաղաքացիների որոշումների վրա չենք կարող ազդել»,- նշեց Սինանյանը։

Չնայած մեր հայրենակիցների ջանքերին`դեռևս տեսանելի արդյունքներ չունենք, սակայն Սինանյանը լիահույս է, որ տևական և անկոտրում պայքարի դեպքում հնարավոր կլինի հասնել նպատակին։ 

«Երեկ Միլանի քաղաքային խորհուրդը ճանաչեց Արցախի անկախությունը, սակայն արդյունքների մասին վաղ է խոսելը, գործընթացն ամեն դեպքում մեկնարկել է և արդյունքներն էլ կտեսնենք»,- պարզաբանեց սփյուռքի հանձնակատարը։

Սինանյանը ևս մեկ անգամ ընդգծեց այդ ակցիաների կարևորությունը, քանի որ դրանց շնորհիվ մեր հայրենակիցները բողոքում են նաև աշխարհի լռության դեմ։

թեմա:
Ադրբեջանական ագրեսիան Արցախում - 2020 (1656)

Ըստ թեմայի

Իսրայելում ադրբեջանցիները հարձակվել են խաղաղ ավտոերթ անող հայերի վրա
Լուռ բողոքի ակցիա Պրահայում. հայերն ուզում են իրենց ձայնն աշխարհին հասցնել
Բողոքի ակցիաներ Արգենտինայում և Բրազիլիայում. հայ համայնքը դատապարտում է Ադրբեջանի քայլերը
թեգերը:
Արցախ, Բողոքի ակցիա, Սփյուռք, Զարեհ Սինանյան

Գլխավոր թեմաներ