ԵՐՎԱՆ, 22 հոկտեմբերի-Sputnik. Ամերիկյան երկու խոշոր ընկերություններ ՝ իրավաբանական DLA Piper- ը և լոբբիստական The Livingston Group-ը, խզել են իրենց պայմանագրերը Ադրբեջանի հետ: Տեղեկությունը Facebeook-ի իր էջում հայտնել է Ամերիկայի Հայ Ազգային Կոնգրեսը (ANCA)։
Նշենք, որ այս տեղեկությունը հաստատում են նաև ԱՄՆ պաշտոնական աղբյուրները, մասնավորապես ԱՄՆ արդարադատության նախարարությանը կից Օտարերկրյա գործակալների գրանցման մասին օրենքի (Foreign Agents Registration Act) հարթակում, որտեղ գրանցվում են ի պաշտպանություն այլ պետությունների լոբբիստական գործունեություն ծավալող բոլոր ընկերությունները:
DLA-ի զեկույցում նշվում է, որ ընկերությունը պայմանագիր է ունեցել ադրբեջանական երկաթուղիների հետ, սակայն այն դադարեցվել է 2020 թվականի հոկտեմբերի 16-ին:
