Էրդողանը հանդիպել է Պոլսո հայոց պատրիարք Սահակ Մաշալյանի հետ

ԵՐԵՎԱՆ, 22 հոկտեմբերի – Sputnik. Թուրքիայի նախագահ Ռեջեփ Թայիփ Էրդողանն այսօր հանդիպել է Պոլսո հայոց պատրիարք Սահակ Մաշալյանի հետ։

ՌՈւԵ–ն ամեն բան կանի Ղարաբաղի բազմաչարչար հողում խաղաղության հասնելու համար. պատրիարք

Ինչպես հայտնում է թուրքական Anadolu գործակալությունը, Էրդողանը կնոջ հետ այցելել է Ստամբուլի հայ առաքելական Սուրբ Մարիամ Աստվածածին եկեղեցի, որտեղ տեղի է ունեցել իշխող «Արդարություն և զարգացում» կուսակցության հայազգի պատգամավոր, գրող և լրագրող Մարգար Եսայանի հոգեհանգստի արարողությունը:

Հայ առաքելական եկեղեցում Էրդողանին դիմավորել ու ուղեկցել է Սահակ Մաշալյանը:

Հիշեցնենք`Մարգար Եսայանը Թուրքիայում մահացել էր հոկտեմբերի 16-ին` տևական հիվանդությունից հետո, 51 տարեկան հասակում։

Հայ պատգամավորի ընտանիքին և հարազատներին ցավակցություն էր հայտնել Թուրքիայի նախագահը։

Президент Турции Реджеп Эрдоган (в центре) с Армянским патриархом Турции Сааком Масаляном (справа) после церемонии похорон Маркара Эсаяна (22 октября 2020). Стамбул

Թուրքիայի նախագահ Ռեջեփ Թայիփ Էրդողանը հանդիպել է Պոլսո հայոց պատրիարք Սահակ Մաշալյանի հետ (2020թ. հոկտեմբերի 22)

Պատրիարք Կիրիլն աղոթում է Ղարաբաղի խաղաղության համար․ Ռուս ուղղափառ եկեղեցի

Մարգար Եսայանը ծնվել է 1969 թվականի փետրվարի 11-ին Ստամբուլում, սովորել Ստամբուլի Կեդրոնական վարժարանում, այնուհետև Ստամբուլի Բիլիջի համալսարանում: 1997-2008թթ–ին հոդվածներ է գրել «Ակոս» շաբաթաթերթի համար։

2015 թվականի նոյեմբերի 1-ից «Արդարություն և զարգացում» կուսակցության ղեկավար խորհրդի անդամ է, խորհրդարանական խմբակցության անդամ։

Պոլսի հայոց պատրիարքը գումար է նվիրաբերել Էրդողանի նախաձեռնած դրամահավաքին