21:23 19 ապրիլի 2021
Ուղիղ եթեր
  • USD522.21
  • GBP725.66
  • EUR628.69
  • RUB6.87
Աշխարհ
Ստանալ կարճ հղումը
108 0 0

Վիեննայի ահաբեկչության հետևանքով սպանվել են 4 քաղաքացի, 22-ը վիրավորում են ստացել։

ԵՐԵՎԱՆ, 3 նոյեմբերի – Sputnik․ Հայաստանի արտաքին գործերի նախարար Զոհրաբ Մնացականյանը Twitter–ի իր էջում անդրադարձել է Ավստրիայի մայրաքաղաք Վիեննայում կատարված ահաբեկչությանը։

«Ուր նայում ես` բարբարոսություն և ահաբեկչություն է։ Հիմա էլ` Վիեննայում։ Շատ զայրացած եմ այս սարսափելի հարձակման համար։ Հայտնում եմ լիակատար համերաշխությունս Ավստրիայի մեր ընկերներին։ Հայերը Լեռնային Ղարաբաղում նման ահաբեկիչների դեմ են պայքարում, որոնց հովանավորում են Թուրքիան և նրա հաճախորդ Ադրբեջանը», – գրել է Մնացականյանը։

​Հիշեցնենք՝ նոյեմբերի 2-ի երեկոյան Ավստրիայի մայրաքաղաք Վիեննայում տեղի ժամանակով ժ. 20-ի մոտակայքում (Երևանի ժամանակով՝ ժ. 23-ին) անհայտ անձինք զինված հարձակումներ են իրականացրել քաղաքի կենտրոնում։ Հարձակվողներից մեկը ոչնչացվել է, մյուսները կարողացել են փախչել։ Վիեննայի ահաբեկչության հետևաքնով սպանվել է 4 քաղաքացի, վիրավորում ստացել 22-ը։

Արցախի դեմ սանձազերծած պատերազմի առաջին իսկ օրերից հայտնի դարձավ, որ Թուրքիան Սիրիայի հյուսիսից վարձկաններ է ուղարկել Ադրբեջան՝ Արցախի ու Հայաստանի դեմ օգտագործելու նպատակով։ Այս տեղեկությունները հաստատել էր նաև ՌԴ Արտաքին հետախուզական ծառայության պետ Սերգեյ Նարիշկինը:

ՌԻԱ Նովոստին էլ տեղեկացրել է, որ հոկտեմբերի 16-ին ավելի քան 1000 գրոհային է տեղափոխվել ղարաբաղյան հակամարտության գոտի։

Ձերբակալվել է Արցախի դեմ կռվող ահաբեկչական խմբավորման անդամներից մեկը

Հայտնի է, որ սիրիացի ահաբեկիչներին 1,5-2 հազար դոլար են խոստանում ռազմական գործողություններին 1 ամիս մասնակցելու համար։ Այս տեղեկությունը հաստատել են ոչ միայն հայաստանյան և ղարաբաղյան իշխանությունները, միջազգային ԶԼՄ-ներն ու արտասահմանյան իրավապաշտպան կազմակերպությունները, այլև Սիրիայի, Ֆրանսիայի, Ռուսաստանի, ԱՄՆ–ի և այլ երկրների իշխանությունների ներկայացուցիչներ։

Թուրքիան Հարավային Կովկասը լցրել է ահաբեկիչներով. ՀՀ ԱԳ նախարարի հարցազրույցը

Ըստ թեմայի

«Կիսում եմ ձեր վիշտը». Փաշինյանն անդրադարձել է Ավստրիայում տեղի ունեցած ահաբեկչությանը
Սա քաղաքակրթության և բարբարոսության պայքարն է․ Կուրցը՝ Վիեննայի ահաբեկչության մասին
Վիեննայի դեպքը փաստեց` ահաբեկչության դեմ պայքարը չի կարող ընտրողական լինել. Հարությունյան
թեգերը:
Արցախ, Ահաբեկչություն, Ավստրիա, Զոհրաբ Մնացականյան

Գլխավոր թեմաներ