ԵՐԵՎԱՆ, 7 նոյեմբերի – Sputnik. Ուկրաինայի ոստիկանությունը որոշել է իր պաշտպանության տակ առնել Հայաստանի և Ադրբեջանի պաշտոնական ներկայացուցչությունները։
Ինչպես գրված է Ուկրաինայի ազգային ոստիկանության Facebook-յան էջում, գիշերը Խարկովի մարզի իրավապահ մարմինները հաղորդագրություն են ստացել, որ անհայտ անձինք կրակել են Ադրբեջանի պատվավոր հյուպատոսության շենքի ուղղությամբ։ Հետաքննությունն է սկսվել «հրազենի կիրառմամբ կատարված խուլիգանություն» հոդվածով։ Հոդվածով 3-7 տարվա ազատազրկում է նախատեսված։
Ուկրաինայի ազգային ոստիկանության պետ Իգոր Կլիմենկոն հայտարարել է, որ ուժային կառույցն անհրաժեշտ բոլոր միջոցները կձեռնարկի միջադեպին առնչություն ունեցող անձանց ձերբակալելու համար։
Նա ընդգծել է, որ իրավապահ մարմինները ջանքեր են գործադրում Ուկրաինայի տարածքում ազգամիջյան բախումներ թույլ չտալու համար։
«Ադրբեջանի և Հայաստանի բոլոր պաշտոնական ներկայացուցչություններն առաջիկայում ոստիկանության պաշտպանության տակ կառնվեն։ Կոչ ենք անում բոլորին և հատկապես սփյուռքի ներկայացուցիչներին, երկու պետությունների քաղաքացիներին, որոնք գտնվում են Ուկրաինայի տարածքում, միմյանց հանդեպ հանդուրժողականություն դրսևորել», – նշել է Կլիմենկոն։
Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Նոյեմբերի 6-ի ժամը 19։00-ի դրությամբ` հակառակորդի կրակոցների հետևանքով հայկական կողմից զոհվել են 1177 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։
Ըստ վերջին տվյալների՝ Ադրբեջանի զինված ուժերը զրկվել է 262 ԱԹՍ-ից, 16 ուղղաթիռից, 25 ինքնաթիռից, 749 զրահատեխնիկայից, 6 ՏՕՍ-ից, 7510 կենդանի ուժից։
Ձախողված բլիցկրիգը, կամ Բաքվի ծրագրով վարձկանների մասին աշխարհը չպիտի իմանար
Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։
Արցախի նկատմամբ կիրառված ֆոսֆորը դիմավորեք Ադրբեջանում, Իրանում ու Թուրքիայում
