ԵՐԵՎԱՆ, 11 նոյեմբերի -Sputnik. Հունաստանի դրոշի ներքո գտնվող լցանավը թուրքական ձկնորսական նավակի հետ բախվել է Թուրքիայի Ադանա նահանգի Կարատաշ քաղաքից 15 ծովային մղոն հեռավորության վրա:
Ինչպես հաղորդում է ՌԻԱ Նովոստին՝ վկայակոչելով Haber Turk հեռուստաալիքին, 5 ձկնորսներին դեռ չի հաջողվում գտնել:
Նշվում է, որ միջադեպը տեղի է ունեցել գիշերը։ Այլ ձկնորսներ Polatbey մոտորանավակը հայտնաբերել են շրջված։
Նրանց պնդմամբ ՝ մոտորանավակը շրջվել է հունական դրոշով նավի հետ բախվելուց հետո։
Փրկարարները փնտրում են ձկնորսական նավակի մեջ գտնվող 5 մարդուն։