12:37 24 նոյեմբերի 2020
Ուղիղ եթեր
  • USD505.32
  • GBP675.56
  • EUR600.12
  • RUB6.66
Աշխարհ
Ստանալ կարճ հղումը
89 0 0

Իսպանացի պատգամավորները նաև առաջարկում է հումանիտար օգնություն ուղարկել Լեռնային Ղարաբաղ։

ԵՐԵՎԱՆ, 17 նոյեմբերի - Sputnik. Իսպանիայի կոնգրեսն ընդունել է պատգամավոր Ջոն Ինյարիտուի առաջարկը` Լեռնային Ղարաբաղ հումանիտար օգնություն ուղարկելու։ Տեղեկությունը հայտնում է Իսպանիայի Թագավորությունում Հայաստանի դեսպանությունը Facebook-ի պաշտոնական էջում։ Նշվում է նաև, որ առաջարկ միջնորդությունը վերաբերում է նաև Ադրբեջանին զենքի վաճառքը դադարեցնելուն։

«Իսպանիայի կոնգրեսն ընդունեց Լեռնային Ղարաբաղ հումանիտար օգնություն ուղարկելու և Ադրբեջանին զենքի վաճառքը դադարեցնելու՝ պատգամավոր Ջոն Ինյառիտուի առաջարկ-միջնորդությունը»,- նշված է դեսպանության հաղորդագրության մեջ։

Իր ելույթում առաջարկի հեղինակ Ինյարիտուն ընդգծել է փախստականների ընտանիքներին մարդասիրական օգնություն ցուցաբերելու հրատապ անհրաժեշտությունը և միջազգային կազմակերպություններում ակտիվ դիրքորոշման պահպանման կարևորությունը, որպեսզի Արցախի Հանրապետության հակամարտությունը ներառվի միջազգային մարդասիրական օրակարգում:

Նշենք, որ Ջոն Ինյարիտուն եվրոպական տարբեր երկրների խորհրդարանականներից կազմված պատվիրակության կազմում այս օրերին այցելել էր Արցախ և իր աչքերով տեսել պատերազմի հետևանքները։ Նա կոչ էր արել միջազգային հանրությանը մասնակցել բանակցությունների հիման վրա հակամարտության խաղաղ կարգավորման ուղիների որոնումներին:

«Հաշվի առնելով ցեղասպանության սպառնալիքն ու էթնիկ զտումները, որոնք նրանք մտադիր են իրականացնել Լեռնային Ղարաբաղում հայ ժողովրդի դեմ` աշխարհն այլևս չի կարող լռել»,- ասել էր Ինյարիտուն:

Հայաստանը ՄԻԵԴ է դիմել Գորիս-Շուշի ճանապարհին անհայտ կորած 10 քաղաքացիների հարցով

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։ Նոյեմբերի 10-ի կեսգիշերին, ՀՀ վարչապետ Նիկոլ Փաշինյանի, ՌԴ նախագահ Վլադիմիր Պուտինի ու Ադրբեջանի նախագահ Իլհամ Ալիևի միջև ստորագրված հայտարարության համաձայն, ռազմական գործողությունները դադարեցվեցին։ Նոյեմբերի 15-ի ժամը 12.30-ի տվյալներով՝ Արցախի ՊԲ-ն հրապարակել է 1434 զոհված զինծառայողի անուններ։

Համացանցում լուր տարածվեց, որ հայկական կողմն ունի 4750 զոհ ու անհետ կորած։ Նոյեմբերի 14-ին ՀՀ առողջապահության նախարարությունը հայտնեց, որ դատաբժշկական ծառայությունը փորձաքննել է 2317 զոհված զինծառայողի դիակներ։

Վերջին տվյալներով` քաղաքացիական անձանց շրջանում կա 50 զոհ ու 148 վիրավոր։

Ադրբեջանն իր կորուստների վերաբերյալ պաշտոնական տեղեկություններ չի հայտնում, սակայն հայկական կողմի տվյալներով` Ադրբեջանի ԶՈւ–ն պատերազմի ընթացքում զրկվել է 264 ԱԹՍ-ից, 16 ուղղաթիռից, 25 ինքնաթիռից, 784 զրահատեխնիկայից, 6 ՏՕՍ-ից, 7660 կենդանի ուժից։

Ինչո՞ւ են ադրբեջանցիներն ուրախացել․ ռուսական խաղաղապահների հրամանատարի կենսագրությունը

Ըստ թեմայի

Եվս 482 փախստական խաղաղապահների ուղեկցությամբ Ստեփանակերտ են վերադարձել
Մենք զիջել ենք տարածքներ, բայց չենք կորցրել մեր իրավունքները. քաղաքագետը բացատրեց` ինչպես
«Մարզասրահ պատանյակների համար», կամ ինչու է Փաշինյանը «վիզ վերցնելու» բոլորի փոխարեն
թեգերը:
Արցախյան պատերազմ, Արցախ, Ղարաբաղյան հակամարտություն, Լեռնային Ղարաբաղ, Զենք, Ադրբեջան, Իսպանիա

Գլխավոր թեմաներ