ԵՐԵՎԱՆ, 7 դեկտեմբերի - Sputnik. ՆՏՎ հեռուստաընկերության լրագրողներին, որոնք ձերբակալվել են Ստամբուլում, կարող են լրտեսության մեղադրանք առաջադրել։ Տեղեկությունը հայտնում է ՌԻԱ Նովոստին՝ վկայակոչելով թուրքական աղբյուրին։
Որոշ տվյալներով ՝ գործն արդեն ուղարկվել է դատարան։
«Բայց որքան ինձ հայտնի է, դատարանը դեռ չի ընդունել այդ գործը», - ասել է գործակալության զրուցակիցը:
Թուրքիայում կարծում են, թե Հայաստանին դա ավելի շատ է պետք․ Սաֆրաստյան
Հիշեցնենք` ՆՏՎ-ի մամուլի ծառայությունն ավելի վաղ հայտնել էին, որ «Կենտրոնական հեռուստատեսություն» ծրագրի աշխատակիցներ Ալեքսեյ Պետրուշկոն և Իվան Մալիշկինը ձերբակալվել են Թուրքիայում: ՌԻԱ Նովոստիի տեղեկություններով՝ ՆՏՎ-ի լրագրողները հավատարմագրում չեն ունեցել և առանց թույլտվության նկարահանումներ են իրականացրել այն շրջանում, որտեղ գտնվում է «Baykar Savunma» մարտական ԱԹՍ–ներ արտադրող ընկերությունը: Ստամբուլի իշխանությունները հաստատել են ՆՏՎ հեռուստաընկերության երկու լրագրողներին ձերբակալելու տեղեկությունը:
