17:26 26 փետրվարի 2021
Ուղիղ եթեր
  • USD527.96
  • GBP736.03
  • EUR640.20
  • RUB7.08
Աշխարհ
Ստանալ կարճ հղումը
118710

ԱՄՆ-ի նորընտիր նախագահ Ջո Բայդենը և նորընտիր փոխնախագահ Կամալա Հարիսը ներկայացրել են Սպիտակ տան նոր աշխատակիցներին, որոնք համալրել են հաղորդակցությունների, մամուլի, լուսանկարչության և թվային ռազմավարության բաժնի աշխատակազմը:

ԵՐԵՎԱՆ, 16 հունվարի – Sputnik. Հայկ Հաջինազարյանը Բայդենի վարչակազմում նշանակվել է Սպիտակ տան տարածաշրջանային հաղորդակցությունների բաժնի ղեկավար: Այդ մասին ասված է ԱՄՆ նորընտիր նախագահի և փոխնախագահի համատեղ հաղորդագրության մեջ։

Բայդենի երդմնակալությունից առաջ Թրամփը Վաշինգտոնում արտակարգ դրություն է սահմանել

Մեկնաբանելով նոր նշանակումները՝ Սպիտակ տանը նշել են, որ դրանք որակավորված, ստուգված և փորձառու մասնագետներ են, որոնք պատրաստ են «արդյունք տալ» առաջին իսկ օրը:

Ընդհանուր առմամբ հայտարարվել է 215 նշանակման մասին, ինչը, ըստ հաղորդագրության, նոր ռեկորդ է մինչև երդմնակալությունը կատարված նշանակումների առումով:

Հայկ Հաջինազարյանը Արևմտյան Փենսիլվանիայում Բայդենի նախընտրական արշավի մամուլի քարտուղարն էր: Մինչ այդ նա տեղեկատվական աջակցություն էր ապահովում ներկուսակցական ընտրությունների և Նյու Հեմփշիրի, Նևադայի, Տեխասի, Օհայոյի և այլ նահանգների համընդհանուր ընտրությունների ժամանակ:

Բայդենի քարոզարշավին միանալուց առաջ Հաջինազարյանն աշխատել է Կապիտոլիումի բլրի վրա․ սկզբում՝ որպես Ինդիանայից սենատոր Ջո Դոնելիի մամուլի քարտուղար, իսկ հետո՝ Ներկայացուցիչների պալատի Ներքին անվտանգության կոմիտեի մամուլի քարտուղարի տեղակալ։

Եվ այնուամենայնիվ Բայդենը․ ի՞նչը խանգարեց Թրամփին, որ ռևանշ վերցնի

Հաջինազարյանը ծնվել է Օհայո նահանգի Կոլումբուս քաղաքում, լիբանանահայ ներգաղթյալների ընտանիքում։ Ավարտել է Ինդիանայի համալսարանը և Ջորջ Վաշինգտոնի համալսարանի Քաղաքական կառավարման բարձրագույն դպրոցը:

Ըստ թեմայի

Կոնգրեսը հաստատել է Ջո Բայդենի ընտրությունը ԱՄՆ նախագահի պաշտոնում
Կմասնակցի՞ Թրամփը Բայդենի երդմնակալությանը. նա Twitter-ում գրառում է արել
Փաշինյանի, Պուտինի և Բայդենի շները. երկրների առաջնորդներն ու նրանց ընտանի կենդանիները
թեգերը:
ԱՄՆ, հայ, Սպիտակ տուն, Ջո Բայդեն

Գլխավոր թեմաներ