ԵՐԵՎԱՆ, 20 հունվարի - Sputnik. Չեչնիայում չեզոքացվել է Ասլան Բյուտուկաևի` վեց հոգուց բաղկացած ավազակախումբը, որի անդամների նկատմամբ դաշնային հետախուզում Էր հայտարարվել: Չեչնիայի ղեկավար Ռամզան Կադիրովն իր Telegram-ալիքում հայտնել է, որ ավազակախմբի վերջը տվել են։
Հատուկ գործողությունն իրականացվել է Կատար-Յուրտ գյուղի ծայրամասում: Կադիրովը պատմել է, որ անձամբ է մասնակցել պլանի մշակմանը. իրավապահները վաղուց էին պատրաստվել գործողությանը։
Բանդայի անդամներին չի հաջողվել թաքնվել ուժայիններից, ոչնչացված գրոհայիններից մի քանիսի ինքնությունը հենց տեղում էլ պարզվել է։
«Մենք կատարեցինք Չեչնիայի Հանրապետությունում կարգուկանոն հաստատելու և ահաբեկիչներին ոչնչացնելու խնդիրը, որն առաջադրել էր գերագույն գլխավոր հրամանատարը։ Դաշնային հետախուզման մեջ գտնվող բոլոր գրոհայինները՝ Բյուտուկաևի գլխավորությամբ, ոչնչացված են», - նշել է Կադիրովը։
Կադիրովին, նրա կնոջն ու դուստրերին ԱՄՆ-ն ներառել է սև ցուցակում
Նրա խոսքով՝ ինքն անձամբ է Ռուսաստանի նախագահ Վլադիմիր Պուտինին հայտնել ավազակախմբի ոչնչացման մասին։ Պետության ղեկավարը Կադիրովին շնորհավորել է Ասլան Բյուտուկաևի ավազակախմբի ոչնչացման կապակցությամբ:
«Զգաստ կանգնած»․Պուտինը Կադիրովին գեներալ-մայորի կոչում է շնորհել
ՌԴ նախագահի մամուլի քարտուղար Դմիտրի Պեսկովն էլ հայտնել է, որ հատուկ գործողության բոլոր մասնակիցները կարժանանան պետական պարգևների, քանի որ խոսքը Չեչնիայի վերջին ամիրի մասին է, որը հայտնի է որպես ահաբեկիչ և որին արդեն տևական ժամանակ փնտրում էին:
Ասլան Բյուտուկաևը հետախուզման մեջ էր 2011-ի հունվարին Մոսկվայի «Դոմոդեդովո» օդանավակայանում տեղի ունեցած ահաբեկչության համար, որի զոհ էր դարձել 37 մարդ:
Կադիրովն ասել է, որ Չեչնիայի բնակիչներն իր հետ միասին ուզում են պատժամիջոցների ենթարկվել
