16:10 26 փետրվարի 2021
Ուղիղ եթեր
  • USD526.97
  • GBP746.93
  • EUR643.96
  • RUB7.16
Աշխարհ
Ստանալ կարճ հղումը
107610

ԱՄՆ առաջին տիկին Ջիլ Բայդենը նորընտիր նախագահ Ջո Բայդենի երդմնակալության արարողությանը ներկայացել է ամերիկյան Markarian բրենդի զգեստով։ Sputnik Արմենիայի հոդվածը ներկայացնում է, թե ինչու է ամերիկյան հեղինակավոր բրենդն անվանակոչվել ի պատիվ հայի։

ԵՐԵՎԱՆ, 22 հունվարի - Sputnik. Markarian ապրանքանիշը, որին նախապատվություն է տվել ԱՄՆ նորընտիր նախագահ Ջո Բայդենի կինը՝ Ջիլ Բայդենը, անվանակոչվել է ճանաչված աստղագետ, աստղաֆիզիկոս Բենիամին Մարգարյանի պատվին։

Ո՞վ է Բենիամին Մարգարյանը

Խորհրդային աստղագետ, աստղաֆիզիկոս Բենիամին Մարգարյանը տիեզերքի մասին գիտության մեջ մեծ ներդրում է ունեցել։ Նրա անունն այդքան էլ հայտնի չէ, գուցե այն պատճառով, որ նրա գիտական ուսումնասիրությունները ոչ մասնագետներին քիչ հասկանալի են։ Վիկտոր Համբարձումյանի հետ միասին նա պարզել է Գալակտիկայում երիտասարդ անկայուն աստղային համակարգերի գոյությունը, որոնց առկայությունը վկայում է նոր շրջանում դրանց ձևավորման գործընթացի շարունակման մասին։ Բացի այդ նրանք պարզել են, որ աստղերը խմբերով են ծնվում։

Մարգարյանը տիտանական աշխատանք արեց` ցրված աստղային կուտակումների դասակարգում, ուսումնասիրեց դրանց դասավորվածության առանձնահատկությունները և դրանցով գծեց Գալակտիկայի պարուրաձև թևերի դիրքը։ Բացահայտել է գալակտիկաների շարքում օբյեկտների հատուկ կատեգորիայի գոյությունը, որոնք անոմալ գունային ու լուսապատկերային բնութագիր ունեն։

Այդ անոմալիան Մարգարյանը փորձել է բացատրել։ Այստեղ գիտական ենթադրություններ չենք բերի, աստղաֆիզիկոսները գիտեն` ինչի մասին է խոսքը։ Աշխատանքի ընթացքում նա փոքր գալակտիկաներ (13-17 աստղային մեծության) է հայտնաբերել, և տարբեր աստղադիտարաններում հետագա ուսումնասիրությունները ցույց են տվել, որ Մետագալակտիկայում նման ակտիվ օբյեկտներ շատ կան։

Այս ուսումնասիրություններն անցկացվում էին ամբողջ աշխարհում տարբեր գիտնականների կողմից, ու պետք է խոստովանել` մասնագիտական համերաշխությամբ դրանք ստացան «Մարգարյանի գալակտիկաներ» անվանումը։ Իսկ Կույսի համաստեղության շուրջ աստղերի կուտակման մեջ 7 գալակտիկաների փոխկապակցված շարժումը, որը նա բացահայտել էր, իր անունով է կոչվել` «Մարգարյանի շղթա»։

2013 թվականին ՀՀ Կենտրոնական բանկը թողարկել է Բենիամին Մարգարյանի ծննդյան 100-ամյակին նվիրված արծաթե հուշադրամ (1000 դրամ անվանական արժեքով):

Մարգարյանը ԽՍՀՄ Պետական (Ստալինյան) մրցանակի դափնեկիր է (1950), արժանացել է նաև Պատվո շքանշանի (1955) և Ժողովուրդների բարեկամության շքանշանի (1983)։

Markarian ապրանքանիշի ստեղծումը

Markarian բրենդի հիմնադիրը հայ չէ, նա ծնունով Կոլորադոյից է: Դիզայներ Ալեքսանդրա Օ’Նիլն իր բրենդը ստեղծել է 2017 թվականին և բավական հաջողություններ  գրանցել: Նա խոստովանել է, որ շատ է սիրում գիշերն ու աստղազարդ երկինքը:

Markarian ապրանքանիշը երկնային ռոմանտիզմի հանդեպ Օ’Նիլի սիրո և հավերժական կանացի գեղագիտության մարմնացումն է:

Դիզայներին կարել սովորեցրել է  նրա տատիկը՝ Ջիջին, երբ Ալեքսանդրան ընդամենը 10 տարեկան էր։

«Ես մեծացել եմ Կոլորադոյում։ Մենք հարևաններ գրեթե չունեինք։ Գիշերը, երբ անջատում էին տան լույսը, միակ բանը, որը կարող էի տեսնել աստղերն էին։ Երբ երկար էի երկնքին նայում, կարողանում էի գոնե մեկ «ընկնող աստղ» տեսնել... այդ մանկական հույզերի մոգությունը դեռ ոգեշնչում է ինձ»,–ասել է դիզայները

Նշենք, որ ապրանքանիշը հիմնականում ստեղծում է գունեղ երեկոյան զգեստներ, որոնց մեծ մասը ձեռքի աշխատանք է։ Դրանց արժեքը 1000–4000 դոլար է։

Հավելենք, որ Ջիլ Բայդենը մեղմ փիրուզագույնը զգեստը զարդարված էր մարգարիտներով և Swarowski բյուրեղներով. Այն ամբողջությամբ ձեռքի աշխատանք էր:

Նշվում է, որ հագուստի գույնը խորհրդանշում է ինքնավստահություն, կայունություն, բացի այդ, այն դեմոկրատական կուսակցության ավանդական գույնն է: Ջիլ Բայդենը նաև  նույն երանգի դիմակ ու ձեռնոցներ էր դրել:

 «Ինձ համար մեծ պատիվ է, լինել ամերիկյան պատմության այս նշանակալի օրվա գոնե մի փոքր մասը»,- գրել է Ալեքսանդրան  Instagram-ի իր էջում։

View this post on Instagram

A post shared by markarian (@markarian_nyc)

Ըստ թեմայի

Հեռացող Թրամփն ու երդմնակալության պատրաստվող Սպիտակ տունը. լուսանկարներ
Բայդենը չեղարկել է Թրամփի հրամանները
թեգերը:
հայ, աստղաֆիզիկա, ԱՄՆ, երդմնակալություն, Կին, Ջո Բայդեն

Գլխավոր թեմաներ