09:22 14 ապրիլի 2021
Ուղիղ եթեր
  • USD519.43
  • GBP715.00
  • EUR617.91
  • RUB6.73
Աշխարհ
Ստանալ կարճ հղումը
10810

Մերձավոր Արևելքի գծով փորձագետը խոսել է Ադրբեջան, Հայաստան և Ռուսաստան այցելությունների ժամանակ իրանական կողմի շահերի շրջանակի մասին։

ԵՐԵՎԱՆ, 22 հունվորի – Sputnik. Ռուսաստան, Հայաստան և Ադրբեջան Իրանի արտգործնախարար Մոհամմադ Ջավադ Զարիֆի սպասվող աշխատանքային այցերը կոչված են ամրապնդելու Իրանի դիրքերը Մերձավոր Արևելքում և Կովկասում, ՌԻԱ Նովոստիի հետ զրույցում հայտարարել է ՌԳԱ արևելագիտության ինստիտուտի ավագ գիտաշխատող Վլադիմիր Սաժինը։

«Կարծում եմ` այնտեղ լուծվելու են Լեռնային Ղարաբաղում և նրա շուրջ ստեղծված տնտեսական իրավիճակին առնչվող, ինչպես նաև քաղաքական հարցեր։ Իրանն ուզում է ցույց տալ իր ազդեցությունը Հարավային Կովկասում ստեղծվող իրավիճակի վրա», – ասել է փորձագետը` հավելելով, որ Լեռնային Ղարաբաղում իրավիճակի կարգավորման հարցում զգալի դեր խաղացին Ռուսաստանն ու Թուրքիան։

Սաժինն ընդգծել է, որ ամենայն հավանականությամբ` երեք մայրաքաղաքներից յուրաքանչյուրում քննարկման ընդհանուր առարկա կդառնա հենց Լեռնային Ղարաբաղի հարցը։

«Յուրաքանչյուր մայրաքաղաքում կլուծվեն նաև ավելի ընդարձակ հարցեր։ Նկատի ունեմ, որ Ռուսաստանի հետ դա կլինի Իրանի և Մերձավոր Արևելքի, ԱՄՆ նոր վարչակազմի հարցերը», – ասել է պատմաբանը, ընդգծելով, որ վերոնշյալ թեմաներից բացի կարող է անդրադարձ լինել նաև Իրաքի և Սիրիայի խնդրին։

Սաժինը հավելել է, որ Հայաստանի, Ադրբեջանի և ԼՂ հարաբերությունների ընդհանուր խնդրի հետ մեկտեղ լուծվելու են նաև երկկողմանի խնդիրներ. տնտեսական, քաղաքական և ազգային։

Ավելի վաղ հաղորդվել էր, որ հաջորդ շաբաթ Զարիֆն աշխատանքային այցով կլինի Ադրբեջանում, Ռուսաստանում, Հայաստանում և Վրաստանում։ ՌԴ ԱԳՆ պաշտոնական ներկայացուցիչ Մարիա Զախարովան հայտնել էր, որ ՌԴ արտգործնախարար Սերգեյ Լավրովը հունվարի 26-ին Մոսկվայում բանակցություններ կանցկանցի Իրանի իր գործընկերոջ հետ։

Լավրովն ու Զարիֆը Մոսկվայում կքննարկեն Ղարաբաղի հարցը․ Մարիա Զախարովա

Ըստ թեմայի

Իրանը ողջունում է Ղարաբաղի վերաբերյալ որոշումը. Զարիֆը գրառում է արել
Իրանը պատրաստ է միջնորդ լինել Ղարաբաղի հարցով բանակցություններում. Զարիֆ
Հայտնի է` Իրանի ԱԳ նախարարը երբ կայցելի Հայաստան
թեգերը:
փորձագետ, Ադրբեջան, Հայաստան, Ռուսաստան, Մոհամմադ Ջավադ Զարիֆ

Գլխավոր թեմաներ