00:38 14 ապրիլի 2021
Ուղիղ եթեր
  • USD519.43
  • GBP715.00
  • EUR617.91
  • RUB6.73
Աշխարհ
Ստանալ կարճ հղումը
98 0 0

Վերջին շրջանում պարբերական ծոմապահությունը դարձել է ավելորդ քաշի դեմ պայքարի շատ տարածված միջոց։ Գիտնականների վերջին հետազոտությունները ցույց են տվել, որ այս մեթոդի օգտագործումը դրական արդյունքներ է տալիս նաև քաղցկեղի դեմ պայքարում։

ԵՐԵՎԱՆ, 2 փետրվարի - Sputnik. Առնվազն 8 ժամով սնունդ ընդունելուց հրաժարվելը կարող է ոչ միայն օգնել նիհարել, այլև արգելակել քաղցկեղային բջիջների աճը: Այս մասին գրում է Nature ամսագիրը։

Սան Դիեգոյի Կալիֆոռնիայի համալսարանի գիտնականները կրծողների վրա հետազոտություն են իրականացրել։ Կենդանիների մոտ հրահրել են կրծքի քաղցկեղի զարգացումը։ Հետազոտության արդյունքում պարզվել է, որ ութժամյա ծոմապահությունը բարձրացրել է մկների նյութափոխանակության արդյունավետությունն ու նպաստել ուռուցքի աճի դանդաղեցմանը:

Նման հետազոտություններ իրականացրել են նաև մարդկանց  մասնակցությամբ՝ Ռամադան ամսվա (Իսլամական օրացույցի 9-րդ ամիսը: Այն համարվում է մուսուլմանական աշխարհի պահքի ամիսը)ընթացքում հետևելով նրանց օրգանիզմի ցուցանիշներին։ Այդ ժամանակահատվածում պարբերական ծոմապահությունը նպաստել է նրանց օրգանիզմում մի շարք կարգավորող սպիտակուցների արտադրությանը, որոնք անհրաժեշտ են քաղցկեղի, շաքարախտի, մետաբոլիկ համախտանիշի և այլ հիվանդությունների կանխարգելման համար:

Ավելի վաղ ԱՄՆ-ի Տեխասի A&M համալսարանի գիտնականներն առաջարկել էին դիաբետի դեմ պայքարել երկարատև դիետա պահելու միջոցով:

Ըստ թեմայի

Գիտնականները նշել են ցանկացած դիետայի արդյունավետությունը բարձրացնող 3 կանոն
Ինչպես չկորցնել հիշողությունը և սուր միտք ունենալ. գիտնականները տարրական միջոց են գտել
Գիտնականները պարզել են՝ որ ըմպելիքն է երկարացնում կյանքը
թեգերը:
գիտնական, քաղցկեղ, ծոմապահություն

Գլխավոր թեմաներ