13:29 11 ապրիլի 2021
Ուղիղ եթեր
  • USD532.78
  • GBP729.96
  • EUR633.58
  • RUB6.90
Աշխարհ
Ստանալ կարճ հղումը
Հենրիխ Մխիթարյան (347)
210 0 0

Մխիթարյանը չի խաղա իրեն հարազատ Դոնբաս Արենայում, բայց հայ ֆուտբոլիստը ստիպված կլինի մրցել իր նախկին թիմի դեմ։

ԵՐԵՎԱՆ, 26 փետրվարի – Sputnik, Խաչիկ Չախոյան․ Շվեյցարական Նյոն քաղաքում կայացել է ՈւԵՖԱ-ի Եվրոպայի լիգայի 1/8 եզրափակչի վիճակահանությունը։ Հայաստանի ազգային հավաքականի ավագ և «Ռոմայի» կիսապաշտպան Հենրիխ Մխիթարյանը տևական ընդմիջումից հետո «կվերադառնա» Դոնեցկ, բայց այս անգամ հայ ֆուտբոլիստը ոչ թե օգնելու է «Շախտյորին» հաղթել, այլ ամեն ինչ անելու է հանքափորների նկատմամբ հաղթանակի հասնելու համար։ Մարտի 18–ին Դոնեցկում կկայանա «Ռոմա»– «Շախտյոր» պատասխան հանդիպումը։

Հենրիխ Մխիթարյանի «Ռոման» Եվրոպայի լիգայի մրցաշարի 1/16 եզրափակիչում, երկու անընդմեջ հաղթանակ տոնելով Պորտուգալական «Բրագայի» նկատմամբ, բավականին հեշտությամբ դուրս եկավ 1/8 եզրափակիչ։ Մրցումների այս հատվածում կարելի է ասել, որ թույլ մրցակիցներ չկան, բայց ամեն ինչ համեմատության մեջ է գեղեցիկ։ Կան նաև անհարմար մրցակիցներ, որոնց հետ խաղալը մեղմ ասած ցանկալի է մրցաշարի ավելի ուշ հատվածում։ Ի վերջո կույր վիճակահանությունը գայլերին որպես մրցակից ընտրեց Դոնեցկի «Շախտյորին»։

Ճիշտ է, Մխիթարյանը չի խաղա իրեն հարազատ Դոնբաս Արենայում, բայց հայ ֆուտբոլիստը ստիպված կլինի մրցել իր նախկին թիմի դեմ։

Չի կարելի ասել, որ «Շախտյորը» մյուս հնարավոր մրցակիցներից ուժեղ կամ թույլ է։ Բայց ուկրաինական թիմը հաստատ անանցանելի մրցակից չէ, և ջալոռոսիները միանշանակ կարող են հաղթահարել այս արգելքը և կրկնել իրենց լավագույն արդյունքը Եվրոպայի լիգայի մրցումներում` հասնելով մինչև քառորդ եզրափակիչ։

Չէ, որ «Ռոմային» կարող էին բաժին հասնել անհամեմատ բարդ մրցակիցներ՝ «Մանչեսթեր Յունայթեդը», «Արսենալը», «Միլանը» կամ «Տոտենհեմը»։ Այնպես որ կարծում ենք`  «Շախտյորին» հաղթելն ու քառորդ եզրափակիչ անցնելը «Ռոմայի» համար ճիշտ է դժվար, բայց չլուծվող խնդիր չէ։

«Մենք արժանիորեն հաղթեցինք 1/16 եզրափակիչում և շարունակում ենք պայքարը։ Մրցաշարի 1/8 եզրափակիչում թույլ մրցակիցներ չկան, և մենք ամեն ինչ կանենք նոր հաղթանակ կերտելու համար։ Ուզում ենք ինչքան հնարավոր է առաջ շարժվել այս մրցաշարում» - ասել է «Ռոմայի» գլխավոր մարզիչ Պաոլո Ֆոնսեկան։

1/8 եզրափակիչի առաջին խաղերը կայանալու են մարտի 11-ին, պատասխան խաղերը մեկ շաբաթ անց։ Բացի «Ռոմա» - «Շախտյոր» զույգից, Եվրոպայի լիգայի 1/8 եզրափակիչում մրցելու են «Այաքս»-«Յանգ Բոյզ», «Դինամո»(Կիև) – «Վիլյառեալ», «Օլիմպիակոս» - «Արսենալ», «Դինամո»(Զագրեբ) – «Տոտենհեմ», «Սլավիա»-«Ռեյնջերս» և «Գրանադա» - «Մյոլդե» զույգերը։

Իսկ ամենաուժեղ մրցակցությունը մրցումների այս հատվածում լինելու է «Մանչեսթեր Յունայթեդ» - «Միլան» դիմակայությունը, որում Զլատան Իբրահիմովիչը Մխիթարյանի նման խաղալու է իր նախկին թիմի դեմ։

«Դա իմ կյանքի ամենագեղեցիկ որոշումն էր». ինչո՞ւ են ֆուտբոլիստները դաջվածքներ անում

թեմա:
Հենրիխ Մխիթարյան (347)

Ըստ թեմայի

Սուքիասյանները նվաճում են Ավստրիան. Երվանդը լավագույն հարձակվող է, Դավիթը` դարպասապահ
Հայ անպարտելի մարզիկների տասնյակը. նրանցից ո՞վ կարող է Նուրմագոմեդովի պես անպարտելի լինել
Հայրենիքը հայ կարատեիստի համար սկսվում էր Եռաբլուրից ու այնտեղ էլ ավարտվեց
թեգերը:
Շախտյոր, Եվրոպայի լիգա, «Ռոմա» ֆուտբոլային ակումբ, Հենրիխ Մխիթարյան

Գլխավոր թեմաներ