ԵՐԵՎԱՆ, 8 մարտի - Sputnik. Հռոմի կաթոլիկ եկեղեցու ղեկավար Ֆրանցիսկոս Պապն ավարտել է հովվապետական այցը Իրաք և վերադարձել Հռոմ: Այցի ավարտին նա կոչ է արել հարգել ու պաշտպանել կանանց: Այս մասին նա գրել Է Twitter-ում ՝ Կանանց միջազգային օրվա առթիվ։
I would like to say a heartfelt thank you to all the women, especially the women of #Iraq, courageous women who continue to give life, in spite of wrongs and hurts. May women be respected and protected! May they be shown respect and provided with opportunities! #ApostolicJourney
— Pope Francis (@Pontifex) March 8, 2021
«Ուզում եմ սրտանց շնորհակալություն հայտնել բոլոր կանանց, հատկապես Իրաքի խիզախ կանանց, որոնք շարունակում են կյանք պարգևել ՝ չնայած բռնությանը և վերքերին։ Թող կանայք հարգված ու պաշտպանված լինեն: Թող նրանց ուշադրություն պարգևեն ու հնարավորություններ բացեն»- գրել է քահանայապետը։
Հռոմի Ֆրանցիսկոս պապի ուղևորությունն Իրաք` մեկնարկել էր մարտի 5-ին: Նա Հռոմի կաթոլիկ եկեղեցու առաջին ղեկավարն է, որն այցելել է այդ մերձավորարևելյան երկիր:
Տառապանքները պետք է դադարեն. Հռոմի պապին մտահոգում է քրիստոնյաների անվտանգության հարցը
