ԵՐԵՎԱՆ, 14 մարտի - Sputnik. Հայտնի հումորիստ և երգիծաբան Եվգենի Պետրոսյանը Instagram-ի իր միկրոբլոգում որդու՝ Վահանի հետ գեղեցիկ լուսանկար է հրապարակել։ Երեխան երեկ մեկ տարեկան դարձավ։
Լուսանկարի վրա փոքրիկը մի ձեռքով գրկել է հորն ու ուղիղ նայում է նրա աչքերի մեջ։
Посмотреть эту публикацию в Instagram
Մոտ մեկ օրվա ընթացքում լուսանկարը շուրջ 20 հազար հավանության է արժանացել։ Հումորիստի երկրպագուները հաճոյախոսություններ են շռայլում։ Ոմանք կարծում են, որ Վահանը շատ է նման հորը, իսկ մյուսները նմանություն են գտնում մոր՝ Տատյանա Բրուխունովայի հետ։
«Գեղեցիկ հայ», «Հրաշք», «Երջանկություն կա», «Հիասքանչ լուսանկար է։ Շնորհավոր Ձեր որդու տարեդարձը։ Առողջություն նրան ու իր ծնողներին», «Երջանկությունն ու սերը, լուսանկարից դատելով, հուսալի ու ամուր ձեռքերում են», «Ահա սա է երջանկությունը»։
Լուսանկարին կից նման մեկնաբանություններ են թողնում արտիստի հետևորդները։
Վահանը ծնվել է 2020 թվականի մարտի 13-ին, սակայն միայն մի քանի ամիս անց՝ սեպտեմբերի 16-ին, Պետրոսյանն առաջին անգամ հրապարակավ հաստատեց երեխայի ծնվելու մասին տեղեկությունը՝ որդու հետ Instagram-ի իր էջում լուսանկար տեղադրելով։ Երեխային անվանել է հոր պատվին։
Միևնույն ժամանակ ԶԼՄ-ներում լուրեր էին տարածվել այն մասին, որ երեխան ծնվել է փոխնակ մոր օգնությամբ։ Բրուխունովան, սակայն, հերքել է այդ վարկածը, պատմելով այն մասին, թե ինչպես է երկար ժամանակ կարողացել թաքցնել իր հղիությունը։
Հիշեցնենք, որ Եվգենի Պետրոսյանն ու Տատյանա Բրուխունովան ամուսնացել են 2019 թվականի դեկտեմբերին։ Մինչ այդ, 33 տարի, Պետրոսյանն ամուսնացած է եղել իր գործընկեր Ելենա Ստեպանենկոյի հետ։ Տատյանան երգիծաբանի հինգերորդ կինն է։
«Ո՜նց եք ինձ զզվեցրել»․ Տատյանա Բրուխունովայի հետևորդներին շարունակում է դուր չգալ նրա ոճը
