07:58 12 ապրիլի 2021
Ուղիղ եթեր
  • USD532.78
  • GBP729.96
  • EUR633.58
  • RUB6.90
Աշխարհ
Ստանալ կարճ հղումը
169 0 0

Կոնվենցիան հաճախ վիճելի փաստաթուղթ են անվանում։ Մինչ օրս այդ փաստաթղթի վավերացումը սուր է ընկալվում նախկին ԽՍՀՄ երկրներում, այդ թվում՝ Հայաստանում։ Նոր խորհրդարանը կոնվենցիան չի վավերացրել։

ԵՐԵՎԱՆ, 20 մարտի - Sputnik. Թուրքիան հայտարարել է, որ դուրս է գալիս Կանանց նկատմամբ բռնության կանխարգելման և պայքարի մասին Եվրոպայի խորհրդի ստամբուլյան կոնվենցիայից։ Երկրի նախագահ Ռեջեփ Թայիփ Էրդողանի համապատասխան հրամանագիրը հրապարակվել է Resmi Gazete պաշտոնական պարբերականում:

«Թուրքիայի Հանրապետության անունից 2011 թվականի մայիսի 11-ին ստորագրված ու կառավարության 2012 թվականի փետրվարի 10-ի որոշմամբ հաստատված Կանանց նկատմամբ բռնության և ընտանեկան բռնության դեմ պայքարի և կանխարգելման մասին Եվրոպայի խորհրդի կոնվենցիայի գործողությունը դադարեցվել է Թուրքիայի Հանրապետության նկատմամբ», - նշված է փաստաթղթում:

Թուրքիայի փոխնախագահ Ֆուաթ Օքթայն ասել է, որ երկրում կանանց իրավունքների պաշտպանության համար պայքարը շարունակվելու է:

«Մեր անկեղծ պայքարը, որն ուղղված է թուրք կնոջ դիրքը հասարակության մեջ արժանի մակարդակի հասցնելուն, շարունակվելու է` մեր ավանդական արժեքների պահպանմամբ։ Դրսում դեղորայք փնտրելու կարիք չկա, պետք չէ նմանակել ուրիշներին այս բարձրագույն նպատակին հասնելու համար։ Լուծումը կա մեր ավանդույթներում ու սովորույթներում», - Twitter-ում գրել է Օքթայը։

Եվրոպայի խորհրդի ստամբուլան կոնվենցիան կանանց նկատմամբ բռնության և ընտանեկան բռնության դեմ պայքարի և կանխարգելման մասին ընդունվել է Եվրոպայի խորհրդի անդամ բոլոր ութ երկրների կողմից 2011 թվականի մայիսի 11-ին։ Այն դարձել է առաջին եվրոպական համաձայնագիրը, որն ուղղված է կանանց նկատմամբ բռնության ու ընտանեկան բռնության դեմ պայքարին:

Թուրքիան կոնվենցիան վավերացրած առաջին երկիրն էր, նրան հաջորդել էին մնացած 33 երկրները:

Կոնվենցիան հաճախ վիճելի փաստաթուղթ են անվանում, մասնավորապես, «գենդեր» հասկացության պատճառով։

Ստամբուլյան կոնվենցիայի հարցով նախարարը դիմել է Վենետիկի հանձնաժողովին

Ըստ թեմայի

Ազգային ժողովում Ստամբուլյան կոնվենցիան շուտ չի քննարկվի. Վենետիկից պատասխանի են սպասում
Ստամբուլյան կոնվենցիայի հարցով նախարարը դիմել է Վենետիկի հանձնաժողովին
Բադալյան. «Ստամբուլյան կոնվենցիան PR զենք է իշխանության և ընդդիմության համար»
ԱԺ-ն այս տարի չի քննարկի Ստամբուլյան կոնվենցիայի հարցը․ նախարար
թեգերը:
Կին, Թուրքիա, Ստամբուլյան կոնվենցիա

Գլխավոր թեմաներ