14:04 22 ապրիլի 2021
Ուղիղ եթեր
  • USD522.23
  • GBP727.62
  • EUR626.94
  • RUB6.79
Աշխարհ
Ստանալ կարճ հղումը
46 0 0

Իրանի նախագահ Հասան Ռոհանին ընդգծել է, որ Թեհրանը պատրաստ է և ուզում է լուծել չլուծված հարցերն ու խնդիրները:

ԵՐԵՎԱՆ, 7 ապրիլի - Sputnik. ԱՄՆ-ի ղեկավարությունը բանակցությունների պատրաստակամություն է հայտնել, Թեհրանն իր հերթին պատրաստ է վերադառնալ միջուկային ծրագրի վերաբերյալ պարտավորություններին: ՌԻԱ Նովոստիի փոխանցմամբ՝ այս մասին կառավարության նիստում հայտարարել է Իրանի նախագահ Հասան Ռոհանին։

«Մենք այսօր տեսնում ենք մի իրավիճակ, երբ ԱՄՆ-ն սթափվել է բանակցությունների համար, ու մենք հաստատում ենք, որ պատրաստ ենք վերադառնալ միջուկային ծրագրի պարտավորությանը՝ բոլոր պատժամիջոցները հանելու դիմաց», - ասել է նա։

Իրանի նախագահն ընդգծել է, որ Թեհրանը պատրաստ է և ուզում է լուծել չլուծված հարցերն ու խնդիրները:

«ԱՄՆ-ն այսօր խոսում է ուղղակի կամ անուղղակի բանակցությունների պատրաստակամության մասին, դա Իրանի ժողովրդի հաղթանակն է», — ավելացրել է Ռոհանին:

Մեր տարածաշրջանի պատկերը կփոխվի. Իրանի դիրքն ուժեղանալու է ԱՄՆ–ի հետ բանակցություններում

2015 թվականին «վեցյակի» (Մեծ Բրիտանիա, Գերմանիա, Չինաստան, Ռուսաստան, ԱՄՆ, Ֆրանսիա) ու Իրանի կնքած Գործողությունների համատեղ համապարփակ ծրագիրը, որը ենթադրում էր պատժամիջոցների վերացում՝ Իրանի միջուկային ծրագրի սահմանափակման դիմաց՝ որպես Թեհրանի կողմից միջուկային զենք չստանալու երաշխիք, երեք տարի էլ գոյություն չունեցավ։ 2018 թվականի մայիսին ԱՄՆ նախագահ Դոնալդ Թրամփը հայտարարեց, որ ԱՄՆ–ն միակողմանի կարգով դուրս է գալիս ծրագրից ու վերականգնում Թեհրանի դեմ խիստ պատժամիջոցները։

Թուրքիայի մեծ խաղադրույքը, կամ ինչո՞ւ պատերազմի ժամանակ Իրանը լռեց

թեգերը:
ԱՄՆ, Հասան Ռոհանի, Իրանի Իսլամական Հանրապետություն

Գլխավոր թեմաներ