09:24 23 ապրիլի 2021
Ուղիղ եթեր
  • USD522.24
  • GBP726.17
  • EUR628.99
  • RUB6.86
Աշխարհ
Ստանալ կարճ հղումը
92 0 0

Ավելի քան 150 հազար մարդ խնդրագիր է ստորագրել՝ Նիդեռլանդների արդարադատության նախարարությանը կոչ անելով վերանայել հայկական արմատներով 13-ամյա տղային և նրա մորը արտաքսելու որոշումը։

ԵՐԵՎԱՆ, 8 ապրիլի – Sputnik. Նիդեռլանդների արդարադատության նախարարությանը հայկական արմատներով 13-ամյա սիրիացի Ջեյքոբին և նրա մայրիկին՝ Թինային, Հայաստան արտաքսելու մասին որոշում է կայացրել։ Ավելի քան 150 հազար մարդ խնդրագիր է ստորագրել՝ Նիդեռլանդների արդարադատության նախարարությանը կոչ անելով վերանայել այդ որոշումը։ Տեղեկությունը հայտնում է Dutch News-ը` շեշտելով, որ տղան նախկինում երբեք չի եղել Հայաստանում:

Նշվում է, որ Թինան իր և որդու համար հայկական անձնագրեր է ստացել, որպեսզի կարողանա Եվրոպա մեկնել։

Այդ որոշումը կայացնելուն նպաստել է այն, որ մի օր Դամասկոսում Ջեյքոբը վիրավորվել է ռումբի պայթյունից։ Պայթյունի հետևանքով զոհվել է նրա ընկերներից մեկը։

Ուստի կեղծ այցագրերով Թինան որդու հետ փոքրիկ նավակով Միջերկրական ծովով ուղևորվել են Եվրոպա։

Բայց քանի որ Հայաստանը դասվում է անվտանգ երրորդ երկրների շարքին, բազմիցս մերժվել է նրան ու Ջեյքոբին Նիդեռլանդներում մնալու իրավունք շնորհելու խնդրանքը։

Այժմ Ջեյքոբին և նրա մորը ասում են, որ կարտաքսեն Հայաստան, երկիր, որտեղ տղան երբևէ չի եղել, իսկ մայրը եղել է ընդամենը 4 օրով։

Նշվում է, որ Թինայի մայրը, տատիկը և եղբայրը Նիդեռլանդներում ապաստան են ստացել:

թեգերը:
Հայաստան, արտաքսում, մայր, տղա, սիրիահայ, Նիդեռլանդներ

Գլխավոր թեմաներ