ԵՐԵՎԱՆ, 20 ապրիլի – Sputnik. Ավստրալիայի ասորական, հունական և հայկական կազմակերպությունները ապրիլի 24-ին Սիդնեյում և Մելբուռնում համատեղ երթ կանցկացնեն։ Տեղեկությունը հայտնում է Ավստրալիայի Հայ դատի հանձնախումբը:
Այդ կազմակերպություններն իրենց հայրենակիցներին կոչ են անում մասնակցել երթին և Ավստրալիայի վարչապետ Սքոթ Մորիսոնին ու նրա կառավարությանը ցույց տալ, որ իրենք ոչ թե պառակտված ժողովուրդներ են, այլ միասին են պայքարում ընդհանուր արդարության համար:
Հիշեցնենք` 2020 թվականի փետրվարին երեք ժողովուրդների կազմակերպությունները միավորվեցին Հանուն արդարության միասնական շարժման (Joint Justice Initiative) մեջ։
Արդյունքը չուշացավ. Ավստրալիայի խորհրդարանի մոտ 40 պատգամավորներ արդեն աջակցություն են հայտնել այդ նախաձեռնությանը։
Թուրքերն իրենց գիտաժողովից հետո ցեղասպանության վերաբերյալ կոչ կուղղեն Բայդենին. Մելքոնյան
Նկատենք, որ արտասահմանում ասորական և հունական կազմակերպությունները միշտ մասնակցում են են հայ համայնքի ցույցերին։ Հայազգի հասարակական գործիչները (օրինակ ՝ Ֆրանսիայում հայտնի լրագրող Արա Թորանյանը) ակտիվորեն հանդես են գալիս ասորիների ու հույների ցեղասպանության ճանաչման օգտին և իրենց քայլերով վաստակել են այդ ժողովուրդների հարգանքն ու երախտագիտությունը։
Ո՞ր դեպքում կարող է Ցեղասպանության ճանաչման հարցն ընդգրկվել արաբական երկրների օրակարգում
