05:07 22 հունիսի 2021
Ուղիղ եթեր
  • USD513.29
  • GBP711.93
  • EUR610.71
  • RUB7.03

Ռումինացի երկրպագուները պահանջում են ճանաչել Հայոց ցեղասպանությունը

Աշխարհ
Ստանալ կարճ հղումը
Ապրիլի 24. Հայոց ցեղասպանության չմոռացվող էջը (128)
88 0 0

Ռումինացի ֆուտբոլասերները հույս են հայտնել, որ հայ ազգի հանդեպ իրականացված հանցագործությունն ու կոտորածը ամբողջ աշխարհում կճանաչվի որպես պատմական անարդարության շտկում։

ԵՐԵՎԱՆ, 24 ապրիլի – Sputnik. Ռումինացի ֆուտբոլասերներն իրենց երկրի իշխանություններից պահանջել են ճանաչել Հայոց ցեղասպանությունը։

Այդ պահանջով նրանք այսօր՝ ապրիլի 24-ին, ակցիա են անցկացրել Բուխարեստի հայկական եկեղեցու մոտ և «Ճանաչեք Հայոց ցեղասպանությունը։ Մարդկությունը պետք է իմանա ճշմարտությունը» գրությամբ մեծ պաստառ տեղադրել փողոցում։

Ռումինացի ֆուտբոլասերները նաև հայտարարություն են տարածել Facebook–ի իրենց էջում, որտեղ մասնավորապես ասվում է. «Մեր մտքերն այսօր հայ ժողովրդի և ՖԱՖ-ի մեր եղբայրների հետ են։ Մենք միասին ենք նաև տառապանքի մեջ ու հույս ունենք, որ իրենց ազգի հանդեպ իրականացված հանցագործությունն ու կոտորածը կճանաչվի ամբողջ աշխարհում՝ որպես պատմական անարդարության շտկում»։

Ռումինիայի ազգային հավաքականի երկրպագուների՝ «Uniti sub tricolor» շարժման տարածած հաղորդագրության մեջբերված են նաև պատմական փաստեր` երիտթուրքերի կազմակերպած ցեղասպանությունն ավելի քան 1.5 մլն հայի կյանք է խլել, հայերին տեղահանել են Թուրքիայի ողջ տարածքից ու «մահվան երթերով» աքսորել անապատ, որտեղ կա՛մ սպանում էին, կա՛մ հանձնում քրդերի զինված խմբերին։

Հիշեցնենք` Հայոց ցեղասպանություն են անվանում Օսմանյան կայսրությունում և նրան հարակից շրջաններում 1915-1923 թթ. տեղի ունեցած հայերի զանգվածային բռնագաղթը և կոտորածներն ու բռնի կրոնափոխումը։

Այդ կոտորածները ծրագրեցին ու կազմակերպեցին երիտթուրքերը, իսկ հետագայում ավարտին հասցրեց քեմալական կառավարությունը։

Միջազգային առաջին արձագանքն այս իրադարձություններին դրսևորվեց Ֆրանսիայի, Ռուսաստանի, Մեծ Բրիտանիայի` 1915թ. մայիսի 24-ի համատեղ հայտարարությամբ, որտեղ հայ ժողովրդի նկատմամբ կատարված բռնությունները բնորոշվեցին որպես «հանցագործություն մարդկության և քաղաքակրթության դեմ»: Կողմերը կատարված հանցագործության համար պատասխանատու էին համարում թուրքական կառավարությանը:

Շուրջ մեկուկես միլիոն հայ սպանվեց 1915-1923 թթ., իսկ մնացյալ հատվածը կա՛մ բռնի կերպով հավատափոխ եղավ, կա՛մ ապաստան գտավ տարբեր երկրներում:

Օսմանյան կառավարության կողմից իրականացված Հայոց ցեղասպանության փաստը հիմնավորվել է, ճանաչվել ու հաստատվել ականատեսների վկայություններով, օրենքներով, բանաձևերով և բազմաթիվ նահանգների ու միջազգային կազմակերպությունների որոշումներով:

Թուրքական սպառնալիքի մակարդակն աճել է. փորձագետներն ահազանգում են «ստորջրյա խութերի» մասին

թեմա:
Ապրիլի 24. Հայոց ցեղասպանության չմոռացվող էջը (128)
թեգերը:
Ռումինիա, Հայոց ցեղասպանություն

Գլխավոր թեմաներ