18:30 18 մայիսի 2021
Ուղիղ եթեր
  • USD521.55
  • GBP740.81
  • EUR637.23
  • RUB7.08
Աշխարհ
Ստանալ կարճ հղումը
284210

Թուրքիայի նախագահը կոչ է արել զարգացնել կապերը Հայաստանի հետ բարիդրացիության և փոխադարձ հարգանքի սկզբունքների հիման վրա:

ԵՐԵՎԱՆ, 24 ապրիլի - Sputnik. Թուրքիայի նախագահ Ռեջեփ Թայիփ Էրդողանն արձագանքելով ԱՄՆ նախագահ Ջո Բայդենի` Հայոց ցեղասպանության ճանաչմանն ուղղված ուղերձին՝ ինքն էլ իր հերթին ուղերձ է հղել Թուրքիայի Հայոց պատրիարք Սահակ Մաշալյանին: Տեքստը հրապարակել է «Anadolu»-ն։

«Մեր ժողովուրդները դարեր շարունակ խաղաղ ապրել են այս հողերում: Մենք չպետք է թույլ տանք, որ մոռացվի թուրքերի և հայերի համակեցության մշակույթը, որը բազմապատկվել է հարյուրամյակների ընթացքում և օրինակ է համարվել ողջ մարդկության համար», - ասված է Էրդողանի ուղերձում։

Թուրքիայի նախագահը նշել է, որ հարգում է Առաջին աշխարհամարտի տարիների ծանր պայմաններում օսմանյան պետությունում զոհված հայերի հիշատակը, ցավակցում նրանց թոռներին։ Նա նաև երախտագիտություն է հայտնել Թուրքիայի հայերին` երկրում այսօր ընթացող արդար պայքարին աջակցելու համար։

Էրդողանը կոչ է արել զարգացնել կապերը Հայաստանի հետ բարիդրացիության և փոխադարձ հարգանքի սկզբունքների հիման վրա:

«Ղարաբաղյան ճգնաժամի կարգավորումից հետո մենք հայտարարեցինք Հայաստանի հետ հարաբերությունները զարգացնելու պատրաստակամության մասին: Այսօր ես կրկին կրկնում եմ այդ կոչը», - ասել է Էրդողանը։

Հիշեցնենք` ԱՄՆ նախագահ Ջո Բայդենը ապրիլքսանչորսյան ամենամյա ուղերձում ճանաչել ու դատապարտել է Հայոց ցեղասպանությունը` օգտագործելով հենց «ցեղասպանություն» եզրույթը։

Ըստ թեմայի

Միակ հիմքը պոպուլիզմն է. Թուրքիայի առաջին արձագանքը Բայդենի հայտարարությանը
Փաշինյանը նամակ է գրել Բայդենին
Ի՞նչ կատարվեց Ծիծեռնակաբերդում, երբ իմացան Բայդենի ուղերձի մասին. տեսանյութ
թեգերը:
Սահակ եպիսկոպոս Մաշալյան, Ռեջեփ Թայիփ Էրդողան, Թուրքիա

Գլխավոր թեմաներ