10:36 11 մայիսի 2021
Ուղիղ եթեր
  • USD522.37
  • GBP735.97
  • EUR635.31
  • RUB7.06
Աշխարհ
Ստանալ կարճ հղումը
257 0 0

ԱՄՆ-ի քաղաքացիներին խորհուրդ են տվել մեծ զգուշություն ցուցաբերել այն վայրերում, որտեղ կարող են հավաքվել ամերիկացիները կամ օտարերկրացիները:

ԵՐԵՎԱՆ, 25 ապրիլի – Sputnik. Թուրքիայում ԱՄՆ դեսպանատունն ու հյուպատոսությունները հայտարարել են, որ երկու օրով փակվելու են ԱՄՆ-ի կողմից Հայոց ցեղասպանության ճանաչման կապակցությամբ: Տեղեկությունը հայտնում է ՌԻԱ Նովոստին։

«Սպիտակ տան հայտարարությունից հետո կարող են ցույցեր կամ բողոքի ակցիաներ տեղի ունենալ։ Որպես նախազգուշական միջոց՝ Անկարայում ԱՄՆ դեսպանատունը, Ստամբուլում ԱՄՆ-ի գլխավոր հյուպատոսությունը, Ադանայում ԱՄՆ-ի հյուպատոսությունը և Իզմիրում ԱՄՆ-ի հյուպատոսական գործակալությունը ԱՄՆ-ի քաղաքացիների ամենօրյա սպասարկման և վիզայի աջակցության համար փակ կլինեն ապրիլի 26-ին և ապրիլի 27-ին», - ասված է մամուլի հաղորդագրությունում:

Անհետաձգելի օգնության կարիք ունեցող քաղաքացիներին խորհուրդ է տրվում հեռախոսով կամ էլեկտրոնային փոստով կապ հաստատել դիվանագիտական կառույցների հետ:

ԱՄՆ-ի քաղաքացիներին հորդորում են խուսափել ԱՄՆ-ի կառավարական շենքերի հարակից տարածքներից և մեծ զգուշություն ցուցաբերել այն վայրերում, որտեղ կարող են հավաքվել ամերիկացիները կամ օտարերկրացիները:

Հիշեցնենք՝ երեկ՝ Հայոց ցեղասպանության 106-րդ տարելիցին, ԱՄՆ 46-րդ նախագահ Ջո Բայդենը 20-րդ դարասկզբին Օսմանյան Թուրքիայում իրագործված զանգվածային սպանությունները որակեց որպես «ցեղասպանություն»: Դրան անմիջապես հաջորդեց Թուրքիայի արտգործնախարարության արձագանքը։ Արտգործնախարար Մևլութ Չավուշօղլուն Բայդենի հայտարարությունը պոպուլիստական անվանեց՝ ընդգծելով, որ Թուրքիան մերժում է այն։

Փաշինյանը նամակ է գրել Բայդենին

Ըստ թեմայի

Հայոց ցեղասպանությունը ճանաչելը համարձակ ու ոգեշնչող քայլ է. ՀՀ նախագահը` Ջո Բայդենին
20 մլն դոլար ու ավետարանի 8 էջ. ինչ փոխհատուցում է ստացել ցեղասպանության ենթարկված հայը
Բայդենի ուղերձից հետո Էրդողանը զանգել է Ալիևին
թեգերը:
Հայոց ցեղասպանություն, Ջո Բայդեն, ԱՄՆ, դեսպանատուն, Թուրքիա

Գլխավոր թեմաներ