20:29 11 մայիսի 2021
Ուղիղ եթեր
  • USD522.10
  • GBP737.78
  • EUR635.08
  • RUB7.06
Աշխարհ
Ստանալ կարճ հղումը
113 0 0

Պայմանագրի համաձայն` ԱՄՆ–ն ֆինանսական և տնտեսական օգնություն է ցուցաբերում Թուրքիային, ինչպես նաև համագործակցում թուրքական ռազմարդյունաբերության և բանակի զարգացման և արդիականացման հարցում։

ԵՐԵՎԱՆ, 26 ապրիլի – Sputnik. ԱՄՆ նախագահ Ջո Բայդենի կողմից Հայոց ցեղասպանության ճանաչմանն ի պատասխան Անկարան կարող է կասեցնել պաշտպանության և տնտեսության ոլորտում համագործակցության թուրք–ամերիկյան համաձայնագիրը։ Այս մասին այսօր հայտնել է Բլումբերգ գործակալությունը` հղում անելով իր աղբյուրներին։

Գործակալության տեղեկությունների համաձայն` թուրքական ղեկավարությունը` նախագահ Թայիփ Էրդողանի գլխավորությամբ, պատրաստվում է միջոցներ ձեռնարկել   Օսմանյան կայսրությունում  XX  դարի սկզբին տեղի ունեցած իրադարձությունների զոհերի հիշատակի օրվա առիթով Բայդենի հայտարարության հետ կապված։ Անկարայում որպես պատասխան միջոց դիտարկում են պաշտպանության և տնտեսության ոլորտում համագործակցության վերաբերյալ 1980  թվականին կնքած թուրք–ամերիկյան համաձայնագրի գործողության դադարեցումը։ Պայմանավորվածությունների համաձայն` ԱՄՆ–ն ֆինանսական և տնտեսական օգնություն է ցուցաբերում Թուրքիային, ինչպես նաև համագործակցում թուրքական ռազմարդյունաբերության և բանակի զարգացման և արդիականացման հարցում։

Ապրիլի 24–ին Բայդենը Օսմանյան կայսրությունում XX դարի սկզբին տեղի ունեցած իրադարձություններն անվանեց «Ցեղասպանություն»։ Բայդենին նախորդող նախագահները խուսափում էին այդ եզրույթի կիրառումից։ Պաշտոնապես Էրդողանը դեռ չի արձագանքել Բայդենի այդ հայտարարությանը։ 

Միևնույն ժամանակ Թուրքիայի ԱԳՆ–ն հայտարարել է, որ Բայդենի հայտարարությունը խաթարում է Վաշինգտոնի և Անկարայի հարաբերությունները և կոչ արել ԱՄՆ նախագահին «շտկել այդ լուրջ սխալը»։  ՀՀ վարչապետ Նիկոլ Փաշինյանը ԱՄՆ–ի կողմից Հայոց ցեղասպանության ճանաչումն անհրաժեշտ ուղերձ է անվանել միջազգային հանրությանը։

Թուրք քաղաքական գործիչներն առաջարկում են ԱՄՆ-ին պատասխանել Ղրիմի ճանաչմամբ

Թուրքիայի կառավարությունն ընդունում է հայերի զանգվածային սպանությունների փաստը, սակայն հանդես է գալիս «ցեղասպանություն» տերմինի կիրառման դեմ և ուռճացված է համարում հայերի կողմից պնդվող զոհերի թիվը։ Անկարայի կարծիքով` հայերի սպանությունները կառավարության նպատակաուղղված քաղաքականության արդյունք չէր, այլ Օսմանյան կայսրությունում ընթացող պատերազմի հետևանք,  որի զոհ են դարձել նաև թուրքերը։

Ըստ թեմայի

Կարո Փայլանը Թուրքիայի մեջլիսին առաջարկում է ճանաչել Հայոց ցեղասպանությունը
Ցեղասպանության հերքումը կարող է քրեականացվել. Բայդենի ուղերձի բերած հնարավորությունները
Արաբական երկրներն էլ կճանաչեն Ցեղասպանությունը. Եգիպտոսի կաթողիկե եկեղեցու արքեպիսկոպոս
թեգերը:
Հայոց ցեղասպանություն, Ջո Բայդեն, ԱՄՆ, Ռեջեփ Թայիփ Էրդողան, Թուրքիա

Գլխավոր թեմաներ