ԵՐԵՎԱՆ, 7 մայիսի – Sputnik. Կանադայի արտաքին գործերի նախարարությունը կրկին կոչ է անում Ադրբեջանին ազատ արձակել բոլոր պահվող անձանց։ Այն մասին գերատեսչությունը հայտարարություն է տարածել իր թվիթերյան պաշտոնական միկրոբլոգում։
Canada welcomes Azerbaijan’s release of Armenian detainees, a key step in a comprehensive solution to the #NagornoKarabakh conflict. Canada continues to call for the release of all detainees.
— Foreign Policy CAN (@CanadaFP) May 6, 2021
Հայտարարության մեջ նախ անդրադարձ է արվել օրերս Ադրբեջանի կողմից 3 հայ գերիների ազատ արձակման թեմային:
«Կանադան ողջունում է Ադրբեջանի կողմից պահվող հայ անձանց ազատ արձակումը, որը Լեռնային Ղարաբաղի հակամարտության համապարփակ կարգավորման առանցքային քայլերից է»,- ասված է գերատեսչության հաղորդագրության մեջ:
Հիշեցնենք՝ ավելի վաղ հայտարարությամբ էին հանդես էին եկել նաև ԵԱՀԿ Մինսկի խմբի համանախագահները:
Նրանք ողջունել են Ադրբեջանի կողմից հայ գերիներ Ռոբերտ Վարդանյանի, Սամվել Շուխյանի և Սերյան Թամրազյանի ազատ արձակումը։ Նրանք նաև կոչ են անում երկու կողմերին ամբողջությամբ և արագորեն ավարտել բոլոր բանտարկյալների, կալանավորվածների և զոհերի աճյունների փոխանակման գործընթացը և հարգել նրանց իրավունքները` ապահովելով նրանց նկատմամբ մարդասիրական վերաբերմունք:
Հիշեցնենք՝ մայիսի 4–ին Ադրբեջանն ազատ արձակեց գերության մեջ գտնվող ևս երեք հայի` Ռոբերտ Վարդանյանին, Սամվել Շուխյանին և Սեյրան Թամրազյանին։ Երևան հասնելուն պես նրանք բուժկենտրոն տեղափոխվեցին բժշկական հետազոտություն անցնելու համար։
ՀՀ փոխվարչապետի պաշտոնակատար Տիգրան Ավինյանի գրասենյակից Sputnik Արմենիային հայտնել էին, որ գերիները վերադարձել են ԵԱՀԿ Մինսկի խմբի համանախագահ երկրների ջանքերի արդյունքում և միջազգային հանրության օրեցօր աճող ճնշման պայմաններում։
Հայ գերիների նկատմամբ խոշտանգումները Բաքվի պետական քաղաքականության արդյունքն են. Թաթոյան
Նոյեմբերի 9–ի եռակողմ հայտարարության ընդունումից հետո Ադրբեջանից Հայաստան են վերադարձել 73 գերիներ։ Ոչ պաշտոնական տվյալներով` հարևան երկրում 200–ից ավելի հայ գերի կա։ Մայիսի 3–ին հայտնի դարձավ, որ 19 հայ գերիներ խոշտանգվել ու սպանվել են ադրբեջանցի զինծառայողների կողմից, նրանց մեջ նաև կանայք կան։
