ԵՐԵՎԱՆ, 13 մայիսի – Sputnik. Իսրայելի վարչապետի ավագ որդին` Յաիր Նեթանյահուն, հիշել է թուրքերի իրականացրած Հայոց ցեղասպանությունը։ Նա այդ մասին գրել է Twitter-ում` դիմելով իրեն հետևող թուրքերին։
«Դուք Անատոլիայից չեք, դուք եկել եք Միջին Ասիայից և տեղի հույն քրիստոնյա բնակչության ցեղասպանություն եք իրականացրել։ Ստամբուլն իրականում Կոստանդնուպոլիս է, և դուք այն ապօրինաբար եք օկուպացրել։ Դուք եք կազմակերպել Հայոց ցեղասպանությունը», - գրել է Նեթանյահուն:
Իսրայելում ապրող հայերի շրջանում տուժածներ ու զոհեր չկան. պատրիարքարանի ներկայացուցիչ
Իսրայելի վարչապետի որդին նշել է նաև, որ հիմա Թուրքիան ապօրինաբար օկուպացնում է Հյուսիսային Կիպրոսը, Հյուսիսային Սիրիան և Քրդստանը: Նրա խոսքով՝ Թուրքիայի ղեկավարը բռնապետ է, որը ցանկանում է կրկին ճնշել արաբական աշխարհը, ինչպես Օսմանյան կայսրության ժամանակ։
To all the Turkish bots that follow me here - quick history lesson. You are not native to Anatolia, you came from Central Asia and did a genocide to the local Greek Christian population. Istanbul is actually Constantinople and you illegally occupied it. You also did a genocide >>
— Yair Netanyahu 🇮🇱 (@YairNetanyahu) May 13, 2021
Հիշեցնենք` Յաիր Նեթանյահուն առաջին անգամ չէ, որ խոսում է Հայոց ցեղասպանության մասին։ 2018 թվականին նա Facebook-ի իր էջում գրել էր, որ Հայոց ցեղասպանության պատասխանատուն Թուրքիան է։
Իսրայելը փորձում է Բայդենի վարչակազմի վրա ճնշում գործադրել
