04:58 21 հունիսի 2021
Ուղիղ եթեր
  • USD513.73
  • GBP713.98
  • EUR612.16
  • RUB7.12
Աշխարհ
Ստանալ կարճ հղումը
Սահմանային խախտումներ. իրադրությունը Սյունիքում և Գեղարքունիքում (166)
322 0 0

Ռուսաստանում Պաղեստինի դեսպանն ասել է, որ իր երկիրը գնահատում է Թուրքիայի դիրքորոշումը, սակայն Էրդողանի համեմատությունը Ղարաբաղի հետ համարում է զուտ խոսքեր։

ԵՐԵՎԱՆ, 15 մայիսի - Sputnik. Պաղեստինը գնահատում է այն աջակցությունը, որն իր երկրին Իսրայելի հետ դիմակայությունում ցուցաբերում է Թուրքիան, բայց չէր ուզենա, որ  ներկայիս սրացումը համեմատվեր Լեռնային Ղարաբաղի իրավիճակի հետ։ ՏԱՍՍ-ի հետ զրույցում այս մասին ասել է Ռուսաստանում Պաղեստինի դեսպան Աբդել Հաֆիզ Նոֆալը։

Ավելի վաղ Թուրքիայի նախագահ Ռեջեփ Թայիփ Էրդողանն ասել էր, որ Թուրքիան աջակցում է Երուսաղեմի պաղեստինցիներին «այն նույն վճռականությամբ, որով աջակցում էր Ադրբեջանին Ղարաբաղում»: Նա նաև Իսրայելը «ահաբեկչական պետություն» էր անվանել ու հայտարարել, որ «այն կանգնեցնելը մարդկության պատվի հարցն է»:

Մեկնաբանելով Էրդողանի խոսքերը, Նոֆալը շնորհակալություն է հայտնել Թուրքիայի առաջնորդին աջակցության համար, սակայն ընդգծել է, որ Պաղեստինը չէր ցանկանա, որ իրավիճակը համեմատվեր Լեռնային Ղարաբաղում տեղի ունեցածի հետ։

«Մենք հիանալի հարաբերություններ ունենք Հայաստանի ու Ադրբեջանի հետ, ինչպես նաև լավ հարաբերություններ ունենք Թուրքիայի հետ։ Մենք բարձր ենք գնահատում Թուրքիայի նախագահ Ռեջեփ Թայիփ Էրդողանի հայտարարությունները Երուսաղեմի, Պաղեստինի հարցի և Պաղեստինին աջակցության վերաբերյալ։ Բայց մենք չէինք խառնի այդ թեմաները։ Համեմատությունը, որն օգտագործել է նախագահ Էրդողանը, ուղղակի խոսքի ձև է», - ավելացրել է դիվանագետը։

Հիշեցնենք, որ Իսրայելի և պաղեստինյան Գազայի հատվածի սահմանին իրավիճակը սրվել է մայիսի 10-ի երեկոյան։ Գազայի հատվածում էսկալացիայի սկսվելուց ի վեր Իսրայելի տարածքի ուղղությամբ արձակվել է շուրջ 1800 հրթիռ, որոնցից մոտ 300-ը պայթել են պաղեստինյան անկլավի տարածքում: Իսրայելը պատասխան հարվածներ է հասցրել։

Պաղեստինի առողջապահության նախարարության տվյալներով՝ իսրայելական գնդակոծությունների զոհ Է դարձել 131 պաղեստինցի, 900 մարդ վիրավորվել է։

«Խորապես մտահոգված ենք». ՀՀ ԱԳՆ–ի կոչը երուսաղեմյան բախումների կողմերին

թեմա:
Սահմանային խախտումներ. իրադրությունը Սյունիքում և Գեղարքունիքում (166)

Ըստ թեմայի

Երուսաղեմում պաղեստինցիները քարեր են նետել ոստիկանների վրա. տեսանյութ
Ինչ իրավիճակ է Իսրայելում և Գազայում ավիահարվածներից հետո. լուսանկարներ
Գազայի հատվածից գիշերն ավելի քան 200 հրթիռ է արձակվել. Իսրայելի բանակ
թեգերը:
Պաղեստին, Թուրքիա, Անկարա

Գլխավոր թեմաներ