15:31 13 հունիսի 2021
Ուղիղ եթեր
  • USD518.61
  • GBP733.68
  • EUR630.16
  • RUB7.24
Աշխարհ
Ստանալ կարճ հղումը
95 0 0

Ավստրալիացի գիտնականները հետաքրքիր ուսումնասիրություն են կատարել։ Ուսումնասիրության արդյունքները կարող են օգտակար լինել գլյուկոզայի կարգավորման խնդիր ունեցող շաքարային դիաբետով հիվանդների համար։

ԵՐԵՎԱՆ, 2 հունիսի – Sputnik. Ուշ երեկոյան ինտենսիվ մարզումներն արագացնում են նյութափոխանակությունն ու իջեցնում արյան մեջ շաքարի մակարդակը։ Համապատասխան ուսումնասիրությունը հրապարակված է SpringerLink պորտալում։

Ավստրալիայի կաթոլիկ համալսարանից գիտնականների մի խումբ վերլուծել են ավելորդ քաշ և երկրորդ տիպի շաքարախտի զարգացման վտանգ ունեցող 24 տղամարդու նյութափոխանակության վիճակը։ Նրանց ճարպերի բարձր պարունակություն ունեցող սննդակարգ է առաջարկվել։

Պարզվել է, որ առավոտյան և երեկոյան մարզումները բարենպաստ ազդեցություն են թողել կարդիոռեսպիրատոր համակարգի վրա։ Ուշ երեկոյան մարզումները խթանում են նյութափոխանակությունն ու նվազեցնում գլյուկոզայի մակարդակը գիշերվա ընթացքում։

Մասնագետների կարծիքով` այս ուսումնասիրման արդյունքները կարող են օգտակար լինել գլյուկոզայի կարգավորման խնդիր ունեցող շաքարային դիաբետով հիվանդների համար։ Բանն այն է, որ երկրորդ տիպի շաքարախտ ունեցող մարդիկ հաճախ տառապում են հիպերգլիկեմիայով` գիշերային ժամերին գլյուկոզայի տատանումներ։

Գիտնականները եկել են այն եզրակացության, որ գիշերային ժամերին արյան մեջ շաքարի մակարդակի բարձրացումը կարելի է կարգավորել ուշ երեկոյան ֆիզիկական վարժություններ անելով։

Ընթրիք` մարզվելուց հետո. ի՞նչ է կարելի և ի՞նչ չի կարելի ուտել քնելուց առաջ  

Մարզվելու ընթացքում օրգանիզմը ծախսում է սպիտակուցների 2/3–ը և ածխաջրերի 1/3–ը։ Այդ իսկ պատճառով մարզվելուց հետո անպայման սնվել է պետք։ Թեթև ընթրիքը ճարպերի կուտակման չի նպաստի և կօգնի ռելիեֆային կազմվածք ձեռք բերել։

Մարդը կարող է բնածին դիմադրողականություն ունենալ COVID-ի նկատմամբ․ բժիշկ

Սնվել պետք է մարզասրահ այցելելուց հետո երկու ժամվա ընթացքում և քնելուց կես ժամ առաջ։ Ի՞նչ կարելի է ուտել ընթրիքին` մարզվելուց հետո, կախված է մարզումների վերջնանպատակից։ Նիհարելու համար ճիշտ կլինի ընտրել հետևյալ մթերքները. ոչ ճարպոտ տավարի միս, ինչպես նաև հավի կրծքամիս, ծովամթերք և տարբեր ձկնատեսակներ, քիչ յուղայնության կաթնամթերք, ցանկալի է կաթնաշոռ կամ կեֆիր, օսլա չպարունակող բանջարեղեն, լոբազգիներ, եգիպտացորեն։

Քաշ գցելու համար ըմպելիքներից խորհուրդ է տրվում երեկոյան օգտագործել ոչ գազավորված ջուր կամ թարմ քամած հյութ։ Հարմար է նաև կանաչ կամ երիցուկով, հասմիկով, նանայով թեյը։

Ինչ է կատարվում օրգանիզմում, երբ անանաս ենք ուտում

Մկանային զանգվածի աճեցման համար երեկոյան խորհուրդ է տրվում մի փոքր այլ սննդամթերք օգտագործել. բրինձ կամ հնդկաձավար, լորի ձու, ջեռոցում տապակած հավ, մատղաշ հորթի միս, խոզի միս, ծովամթերք, պանիր, կաթնաշոռ կամ կաթնամթերք։

Մկանային զանգված աճեցնելու համար օգտակար է նաևպրոտեինային կոկտեյլը։

Ըստ թեմայի

Բժիշկը պատմել է բիոհաքինգի ֆենոմենի և օրգանիզմի համար դրա օգտի մասին
Սննդաբանը նշել է այն մթերքները, որոնք քայքայում են օրգանիզմը
Ո՞ր ոգելից խմիչքն է քիչ վնաս հասցնում օրգանիզմին
թեգերը:
շաքար, մարզասրահ, օրգանիզմ

Գլխավոր թեմաներ