ԵՐԵՎԱՆ, 3 հունիսի - Sputnik. Թեհրանի նավթավերամշակման գործարանում բռնկված հրդեհի հետևանքով 11 մարդ է տուժել։ Տեղեկությունը հայտնում է ՌԻԱ Նովոստին՝ հղում անելով իրանական լրատվամիջոցներին:
2 հունիսի 2021, 09:27
Նշվում է, որ Թեհրանի արտակարգ իրավիճակների նախարար Պեյման Սաբերիանի տվյալներով՝ տուժածներից չորսը հոսպիտալացվել են, յոթը տեղում են բուժօգնություն ստացել:
Հիշեցնենք, որ հրդեհը բռնկվել էր երեկ: Նավթավերամշակման գործարանի հանրային կապերի ղեկավար Շաքեր Հաֆային բացառել է սաբոտաժի հավանականությունը: Նավթավերամշակման գործարանում տեղի ունեցած միջադեպի առնչությամբ քրեական գործ կհարուցվի։
