07:13 25 հունիսի 2021
Ուղիղ եթեր
  • USD507.90
  • GBP709.23
  • EUR606.64
  • RUB7.03
Աշխարհ
Ստանալ կարճ հղումը
117 0 0

Բիշքեկը Դուշանբեին մեղադրում է պետական սահմանի սահմանազատման և սահմանագծման հարցերի շուրջ պայմանավորվածությունները խախտելու համար:

ԵՐԵՎԱՆ, 4 հունիսի - Sputnik. Ղրղզստանի և Տաջիկստանի սահմանին իրավիճակը կրկին լարված է։ Այս մասին հայտնում է Sputnik Ղրղզստանը՝ հղում անելով երկրի Ազգային անվտանգության պետական կոմիտեի սահմանապահ ծառայությունը։

Բիշքեկում Դուշանբեին մեղադրել են սահմանազատման և սահմանագծման հարցերի շուրջ միջկառավարական պայմանավորվածությունները խախտելու համար:

Հաղորդագրության համաձայն՝ հունիսի 4-ին, տեղական ժամանակով ժամը 03:00-ի սահմաններում տաջիկական կողմը սկսել է կոնտեյներ տեղադրել Օշակոյի մարզի Չոն-Ալայսկի շրջանի Ունժու-Բուլակ տեղանքի սահմանապահ հատվածում՝ «մինչև 1000 մետր առաջ շարժվելով դեպի Ղրղզստանի տարածքի խորքը»։

Ընդ որում, Ղրղզստանի ԱԱՊԿ սահմանապահ ծառայության տվյալներով, սահմանի տաջիկական կողմում զինծառայողների անձնակազմի կուտակումներ են նկատվում՝ ավտոմոբիլային և թեթև զրահատեխնիկայով:

«Տաջիկական կողմը կոնտեյները թողել է տվյալ տեղանքում՝ պետական սահմանի չնկարագրված հատվածում և դրանից 600 մետր հետ է քաշվել։ Ղրղզստանի կողմից միջոցներ են ձեռնարկվում սահմանային ներկայացուցիչների մակարդակով իրադրության կարգավորման ուղղությամբ, սակայն Տաջիկստանի սահմանապահ ներկայացուցիչները չեն պատասխանում հեռախոսազանգերին»,-ասվում է հաղորդագրության մեջ։

Ղրղզստանի և Տաջիկստանի սահմանին տեղակայված սահմանապահ ստորաբաժանումները անցել են ծառայության ուժեղացված ռեժիմի:

Հիշեցնենք` Ղրղզստանի և Տաջիկստանի սահմանամերձ շրջանների բնակիչների հակամարտությունը՝ ջրաբաշխիչ կետի մոտ տեսահսկման սարքեր տեղադրելու պատճառով, ապրիլի 28-ին վերածվել էր երկու երկրների զինվորականների զինված դիմակայության: Ղրղզստանի և Տաջիկստանի սահմանապահների միջև բախումները տևել էին ավելի քան 6 ժամ։ Ըստ տեղեկությունների` երկու կողմերից 50 մարդ է մահացել, ավելի քան 200-ը ուժել են: Ապրիլի 29-ի երեկոյան կողմերը պայմանավորվեցին, որ կրակը դադարեցնում են, իսկ զինվորականներին հետ են քաշում սահմանից, սակայն հաջորդ օրը փոխհրաձգությունը վերսկսվեց: Հերթական զինադադարը ձեռք բերվեց ապրիլի 30-ի երեկոյան։ Տաջիկստանի բոլոր զինվորականները մայիսի 1-ին լքեցին Ղրղզստանի տարածքը։

Ղրղզստանն ու Տաջիկստանը լրացուցիչ զորքերը հետ են քաշել պետական սահմանից

Ըստ թեմայի

Հազարավոր տարհանվածներ, այրված տներ․ ղրղզա-տաջիկական բախման հետևանքները
Տաջիկստանի հետ բախման հետևանքով ղրղզական կողմի զոհերի թիվը հասել է 31-ի
Պուտին. «Դիտարկվում է «Սպուտնիկ-V»–ի արտադրության հնարավորությունը ՀՀ–ում և Ղրղզստանում»
թեգերը:
Սահման, Տաջիկստան, Ղրղզստան

Գլխավոր թեմաներ