ԵՐԵՎԱՆ, 4 հունիսի -Sputnik. Չեխիայի քրեական ոստիկանության աշխատակիցները հունիսի 3–ին Կառլովի Վարի քաղաքում ձերբակալել են «օրենքով գող» Վիտալի Ավդիյանին։ Տեղեկությունը հաղորդում է «Փրայմ Քրայմը»:
Պարբերականը նշում է, որ 51-ամյա Ավդիյանը Ինտերպոլով միջազգային հետախուզման մեջ է եղել՝ Հայաստանում կատարված շորթման համար։
Կառլովի Վարիում Ավդիյանն ապօրինի կերպով ապրում էր վարձակալված մասնավոր տանը՝ կեղծ փաստաթղթերով։ Ավդիյանի գտնվելու վայրը պարզվել է Չեխիայի քրեական ոստիկանության օպերատիվ միջոցառումների արդյունքում:
Նա Ֆրանսիայից է Չեխիա տեղափոխվել՝ վախենալով ձերբակալությունից, քանի որ իրավապահ մարմինների հետաքրքրությունն «օրենքով գողերի» նկատմամբ գնալով աճում էր։
Վիտալի Ավդիյանին Հայաստան կարտաքսեն։
«Օրենքով գողի» են ձերբակալել. «Նուբարաշեն» և «Արմավիր» ՔԿ–ներում «զոն նայողներ» են եղել
