23:29 04 օգոստոսի 2021
Ուղիղ եթեր
  • USD492.30
  • GBP686.02
  • EUR583.77
  • RUB6.76
Աշխարհ
Ստանալ կարճ հղումը
186 0 0

112-ամյա Էմիլիո Ֆլորես Մարկեսն ամբողջ կյանքն անցկացրել է մի կնոջ հետ։ Նրանց ամուսնությունից 4 երեխա է ծնվել, որոնցից երկուսը ողջ են և շարունակում են հոգ տանել հոր մասին։

ԵՐԵՎԱՆ, 2 հուլիսի – Sputnik. Պուերտոռիկացի  112-ամյա Էմիլիո Ֆլորես Մարկեսն (Emilio Flores Marquez) ընդգրկվել է Գինեսի ռեկորդների գրքում որպես ներկայում ապրող աշխարհի ամենատարեց տղամարդ և բացահայտել է երկարակեցության գաղտնիքը։  Այս մասին գրված է  Guinness World Records կայքում։

Մարկեսը ծնվել է 1908 թվականի օգոստոսի 8-ին Պուերտո Ռիկոյի հյուսիս–արևելքում։ Նա տան 10 երեխաներից ավագն է եղել։  Աշխատում էր եղեգի աճեցման ընտանեկան ֆերմայում, զբաղվում էր բերքը ջրելով և բերքահավաքով։

«Քանի որ ես ամենամեծն էի, ոչ միայն աշխատում էի ֆերմայում, այլև հոգ էի տանում եղբայրներիս և քույրերիս մասին», – պատմել է պուերտոռիկացին։

Ռեկորդակիրն ամուսնացած է եղել 75 տարի։ Նրա կինը` Անդրեա Պերեսը, մահացել է  2010 թվականին։ Նրանք 4 երեխա են լույս աշխարհ բերել, որոնցից երկուսը ողջ են և շարունակում են հոգ տանել հոր մասին։ Տղամարդը նաև  5 թոռ և 5 ծոռ ունի։

Ամենակարևորն ընտանիքն է․ մոլորակի ամենատարեց մարդը բացահայտել է երկարակեցության գաղտնիքը

Պուերտոռիկացու խոսքով` նրա երկարակեցության գաղտնիքն այն է, որ ինքը միշտ ընտրել է սերն ատելության փոխարեն։

«Հայրս ինձ սիրո մեջ է դաստիարակել և սովորեցրել է սիրել շրջապատող բոլոր մարդկանց։ Նա սովորեցրել է ինձ և եղբայրներիս ու քույրերիս բարին անել և կիսել մյուսների հետ ունեցածը», – ասել է նա։

Ավելի վաղ աշխարհի ամենատարեց տղամարդ էր ճանաչվել ռումինացի Դումիտրու Կոմենեսկուն, որը մահացավ 2020 թվականի հունիսի 27-ին կյանքի 112-րդ տարում։

Երկարակեցության համաշխարհային ռեկորդը պատկանում է ֆրանսուհի Ժաննա Կալմանին (Jeanne Calment), որը մահացել է 1997 թվականի օգոստոսին 122 տարեկան և 164 օրականում, սակայն ուսումնասիրողները նրա տարիքը կասկածի տակ են դնում։

Հնդկաստանի քաղաքացին աշխարհի ամենատարեց մայրն է դարձել

Ըստ թեմայի

Երևանում մահացել է ամենատարեց հայ «օրենքով գող» Վանիկ Տեր-Պողոսյանը
ԱՄՆ-ում կյանքի 116-րդ տարում մահացել է երկրի ամենատարեց բնակչուհին
Մահացել է Հայաստանի ամենատարեց մարդը` Ֆարանգ տատը
Մահացել է աշխարհի ամենատարեց մարդը
Հայաստանի ամենատարեց ընտրողը օրհնեց նորընտիր ԱԺ պատգամավորներին
թեգերը:
տարեց, Գինեսի գիրք, սեր, ատելություն

Գլխավոր թեմաներ