ԵՐԵՎԱՆ, 25 հուլիսի – Sputnik. Մոսկվայի դատարանը մայրաքաղաքի սրճարաններից մեկում զանգվածային ծեծկռտուքի մասնակիցներին կալանավորելու որոշում է կայացրել։ Տեղեկությունը հայտնում է ՌԻԱ Նովոստին։
«Քննիչի միջնորդությամբ դատարանը Զավիդովի, Վալիևի և Համիդովի նկատմամբ խափանման միջոց է ընտրել կալանքը»,-տեղեկացրել են դատարանից։
Կալանավորվածներին խուլիգանության մեղադրանք է առաջադրվել։
Ավելի վաղ հայտնել էինք, որ Մոսկվայում զանգվածային ծեծկռտուքներից հետո ավելի քանի 30 մարդ է ձերբակալվել, որոնց մուտքը ՌԴ 5 տարով կարգելվի։
«Ձեզ կլսեն». Վենեդիկտովը կոչով դիմել է հայ և ադրբեջանցի գործարարներին
Հիշեցնենք, որ հուլիսի 24-ի գիշերը Մոսկվայում ադրբեջանցիները սկսել են խմբերով հարձակվել հայերի վրա։ Տեսանյութերից մեկում մի խումբ ադրբեջանցիներ ծեծում էին հայկական համարանիշով մեքենայում գտնվող տղամարդուն, մյուսում` ոտքերով հարվածում տարեց տղամարդուն ու հարցնում` ո՞ւմն է Ղարաբաղը։
Տեղեկություն կա, որ հայերից մեկն էլ դանակահարվել է։
