ԵՐԵՎԱՆ, 21 հուլիսի — Sputnik. ԵՏՄ երկրների տնտեսությունը 2015 թվականը կավարտի 2014 թվականի մակարդակում, երեքշաբթի Երևանում լրագրողներին ասաց ԵՏՀ կոլեգիայի արդյունաբերության և ԱԱՀ անդամ Սերգեյ Սիդորսկին։
«ԵՏՄ երկրների տնտեսությունը տարին կամփոփի նախորդ տարվա մակարդակում, 1-2 տոկոս կարող է ավելացնել Ղազախստանը, իսկ Բելառուսում կա 2-3 տոկոսի անկում նախորդ տարվա համեմատ, նույն իրավիճակը նաև Ռուսաստանում է։ Ես խոսել եմ Հայաստանի էկոնոմիկայի և գյուղատնտեսության նախարարների հետ, երկիրը զարգացման բավականին լավ հեռանկարներ ունի»,– ասաց Սիդորսկին։
Նրա խոսքով` Միության բոլոր երկրներում քայլեր են կատարվում հումքային տնտեսությունից վերամշակող արդյունաբերության և գյուղատնտեսության անցնելու համար։
«Մեր ուրվագծած ծրագրերը, այդ թվում` գործակցային շղթաների ընդլայնումը, արդեն այսօր արդյունք է ցույց տալիս ԵՏՄ երկրներում։ Կարծում եմ` այս տարի գիտատար և տեխնոլոգիական ճյուղերը կորոշեն մեր տնտեսությունների ապագան, ԵՏՄ–ն անկում թույլ չի տա»,– ընդգծեց Սիդորսկին։
Այդպիսի ճյուղերի թվում նա նշեց տեղեկատվական տեխնոլոգիաները, գյուղատնտեսական վերամշակումը` պարզաբանելով, որ այդ հատվածներում ԵՏՄ բոլոր երկրներում աճ է գրանցվում։
Սիդորսկի. ԵՏՄ տնտեսությունը 2015 թվականը կամփոփի նախորդ տարվա մակարդակում
© Sputnik / Сергей Субботин
/ Բաժանորդագրվեք
Միության բոլոր երկրներում քայլեր են կատարվում հումքային տնտեսությունից վերամշակող արդյունաբերության և գյուղատնտեսության անցնելու համար, ասել է ԵՏՀ կոլեգիայի արդյունաբերության և ԱԱՀ անդամ Սերգեյ Սիդորսկին։
