ԵՐԵՎԱՆ, 2 հոկտեմբերի — Sputnik. «Տրանսաերո» ավիաընկերությունը, որը ֆինանսական բարդ իրավիճակում էր, սկսել է աշխատանքը թռիչքների թարմացված չվացուցակի ուղղությամբ, հայտնում է ընկերության պաշտոնական կայքը։
«Տրանսաերո» ավիաընկերությունը ՌԴ կառավարության` դրա գործունեության առողջացման անհրաժեշտության մասին որոշման կապակցությամբ սկսել է չվացուցակի թարմացված տարբերակի, ինչպես նաև այլ փոխադրողների և գործընկերների հետ փոխգործակցության տարբերակների մշակումը «Տրանսաերոյի» տոմսեր ունեցող ուղևորների փոխադրումների ապահովման նպատակով»,– ասվում է հաղորդագրությունում։
Ավիաընկերության չվերթերի իրականացումն առաջիկա օրերին կկատարվի ներկայիս չվացուցակով։ Հետագա ժամանակահատվածում թռիչքների իրականացման ծրագրերի մասին մանրամասն տեղեկությունը կհրապարակվի հոկտեմբերի երկուսին, ասվում է «Տրանսաերոյի» հաղորդման մեջ։
ՌԴ տրանսպորտի նախարար Մաքսիմ Սոկոլովը հինգշաբթի հայտարարել է, որ «Տրանսաերոյի» ուղևորների առջև ունեցած բոլոր պարտավորությունները կկատարվեն, ուղևորների փոխադրումն անհատույց կստանձնեն ռուսական այլ ավիափոխադրողներ։
