ԵՐԵՎԱՆ, 29 սեպտեմբերի-Sputnik. 2017 թվականի բյուջետային ծախսերը նախնական հաշվարկով կկազմեն 1 տրիլիոն 360 մլրդ դրամ, պակասուրդն էլ կլինի մոտ 2,8 տոկոս։
Ֆինանսների նախարար Վարդան Արամյանը նշեց, որ ամենակարևոր սկզբունքը հարկաբյուջետային և պարտքի կայունությունն է։
«2014-2015 թվականներին ունեցել ենք պետական պակասուրդի բավական բարձր մակարդակ՝ 4,8 տոկոս։ Դրա հետևանքով ավելացել է արտաքին պարտք-ՀՆԱ հարաբերակցությունը, ինչը պարտքի ստեղծման հիմնական աղբյուրն է»,-ասաց Արամյանը։
Նա հավելեց, որ ՀՀ արտաքին պարտքը երկու տարվա ընթացքում աճել է` կազմելով 54,4 տոկոս։ Վարդան Արամյանն անհաժեշտություն տեսավ, որ հետագա տարիներին լինենք պահպանողական՝ պարտքի գերաճից խուսափելու համար։
Կարեն Կարապետյանը հայտնեց, որ 2017 թվականին նախատեսվում է կոշտ բյուջե։
