ՌԴ բանկային ասոցիացիայի նախագահ. Եթե կա եվրո, ինչու՞ մենք էլ ռուբլու չանցնենք

© Sputnik / Александр Натрускин / Անցնել մեդիապահոցПрезидент Ассоциации российских банков Гарегин Тосунян
Президент Ассоциации российских банков Гарегин Тосунян - Sputnik Արմենիա
Բաժանորդագրվեք
НовостиTelegram
ՌԴ բանկերի ասոցիացիայի նախագահ Գարեգին Թոսունյանը Sputnik Արմենիայի հետ զրույցում չբացառեց միասնական դրամական միավորի անցման հնարավորությունը՝ միաժամանակ հավելելով, որ ԵԱՏՄ միասնական բանկային համակարգ ստեղծելու կարիք չկա:

ԵՐԵՎԱՆ, 18 հոկտեմբերի — Sputnik. Տարիներ առաջ Հայաստանի վարչապետը հայտարարել էր, որ դեմ չէ Հայաստանի տարածքում ռուսական ռուբլու շրջանառությանը: Sputnik Արմենիայի հետ զրույցում հիշեցրեց ՌԴ բանկերի ասոցիացիայի նախագահ Գարեգին Թոսունյանը: «Չգիտեմ, թե ինչպես է այսօր ՀՀ իշխանությունը վերաբերվում այս հարցին, բայց դա դրական քայլ կլիներ»,-ասաց նա:

Ինչ վերաբերում է ԵԱՏՄ տարածքում միասնական դրամական միավորի ներդրման հնարավորությանը, Գարեգին Թոսունյանն ասաց, որ այս պահին նման հեռանկար չի տեսնում, բայց և հավելեց, որ եթե նման անցում կատարվի, այն պետք է ուղղված լինի դեպի ռուսական ռուբլին:

«Լավ կլիներ, իհարկե: Եթե բազում երկրներ միասնական եվրո ունեն, ինչու՞ մենք էլ ռուսական ռուբլու չանցնենք»,- ասաց նա:

Իսկ, օրինակ, ԵԱՏՄ տարածքում միասնական բանկային համակարգ ստեղծելու գաղափարը Գարեգին Թոսունյանն այնքան էլ չի ողջունում: Նրա համոզմամբ, միության անդամ յուրաքանչյուր երկիր պետք է շարունակի զարգացնել իր բանկային համակարգը:

«Եվրոպական միությունը, որն արդեն շուրջ 20 տարի միասնական դրամական միավորի փորձ ունի, միևնույն է` չի գնում բանկային միասնական համակարգ ստեղծելու ուղով: Ճիշտ է` Եվրաբանկը որոշ ուղղություններ է թելադրում, հսկողություն իրականացնում, բայց երբեք չի փորձում արգելել առանձին բանկային համակարգերի ինքնուրույնությունը: Յուրաքանչյուր երկրի բանկային համակարգի ազատությունը նաև ինքնիշխանության որոշակի երաշխիք է»,- ասաց Թոսունյանը:

Ինչ վերաբերում է ՀՀ և ՌԴ բանկային համակարգերի համագործակցությանը, Գարեգին Թոսունյանի խոսքով, երկու երկրների միջև դրամական միավորների շրջանառության և բանկային գործառնությունների որոշակի պարզեցման և համապատասխանեցման անհրաժեշտություն կա:

 

Լրահոս
0