ԵՐԵՎԱՆ, 29 ապրիլի Sputnik. Հավաքականի գլխավոր մարզիչ Հրաչյա Չանդիրյանը նշել է, որ եղբայրները երկրորդ տեղի համար պայքարում զիջել են չնչին` 0.40 միավորով, տեղեկացնում է Հայաստանի ազգային օլիմպիական կոմիտեն։
«Դժգոհ եմ տղաներից, քանի որ նրանք կարող էին զբաղեցնել երկրորդ հորիզոնականը։ Դա էր նրանց իրական տեղը։ Սակայն, հաշվի առնելով, որ Ազատն ու Վլադիմիրը երկար ժամանակ չեն մարզվել՝ գնահատում եմ բավարար»,- ասել է Չանդիրյանը։
Ապրիլի 30-ին Հարությունյան եղբայրները կմրցեն անհատական աշտարակացատկ ձեւում, սակայն գլխավոր մարզիչը հայտնեց, որ Ազատի մասնակցությունը հարցականի տակ է ուսի վնասվածի պատճառով։
