ԵՐԵՎԱՆ, 6 հունիսի — Sputnik. Հայկական լավաշը դարձավ ռուսական Առաջին ալիքի «Контрольная закупка» ծրագրի հերթական գլխավոր թեման։
«Ալյուր, ջուր և աղ։ Հայկական կավաշի բաղադրությունը պարզ է, սակայն պատմությունն է փառավոր։ Հացի այդ տեսակը 2014 թվականին ներառվեց ՅՈՒՆԵՍԿՕ–ի մշակութային ժառանգության ցուցակում»,– ռուսական Առաջին ալիքի հեռուստադիտողին պատմեց հաղորդավար Անտոն Պրիվոլնովը։
Լավաշի հատկությունների մասին պատմելիս հեռուստահաղորդավարը նշեց, որ հացի այդ տեսակը տարիներով չի փչանում։ Այն մասին, թե ինչպես տարբերել որակյալ լավաշն անորակից և ինչպես կարելի է այն օգտագործել սննդի մեջ, պատմեցին հայ խոհարարները։
«Հայկական լավաշը հարմար բաղադրիչ է օրիգինալ բաղադրատոմս ստանալու համար։ Օրինակ, լավաշից խաչապուրի և նույնիսկ չիպսեր են պատրաստում», – ասաց Պրիվոլնովը։
Առաջին ալիքի հեռուստադիտողին նման հետաքրքիր և օրիգինալ մի բաղադրատոմս առաջարկեց հայտնի ռուս խոհարար Գայանե Բրեիովան, որը հայկական լավաշով և տանձով ավստրիական շտրուդել պատրաստեց։
