ԵՐԵՎԱՆ, 1 հուլիսի — Sputnik. Երևանի Բուսաբանական այգում Kids Run-2017 մանկական մարաթոն է անցկացվել։ Միջոցառումը, որին մասնակցել են երեքից տասնչորս տարեկան երեխաները, անցել է «Երեխաները երեխաների համար» կարգախոսով, հայտնում է Երևանի քաղաքապետարանի մամուլի ծառայությունը։
Մարաթոնին մասնակցեցին նաև սահմանափակ կարողություններով երեխաներ, որոնց օգնում էին կամավորները։ Երեխաներին աջակցելու էին եկել երգիչներ Դալիթան, Մեգի Բադիրյանը, Անահիտ Սիմոնյանը, Կարեն Օհանյանը և այլն։
Մարաթոնի վճարը 3000 դրամ էր։ Հավաքված գումարը կփոխանցվի մանկական ուղեղային կաթված ունեցող երեխաների ընտանիքներին։
Այդպիսի մարաթոն Հայաստանում առաջին անգամ է անցկացվում, սակայն, ինչպես նշեց «Հայ մայրեր» բարեգործական կազմակերպության ներկայացուցիչ Շարմաղ Սաքունցը, Kids Run-ը բարի ավանդույթ կդառնա։
Միջոցառման կազմակերպիչներն էին Երևանի քաղաքապետարանն ու «Հայ մայրեր» հասարակական կազմակերպությունը։
