Սանասարյան. Նոր ատոմակայան պետք չէ կառուցել, իսկ եղածն էլ պետք է փակել

© Sputnik / Р. Мангасарян / Անցնել ֆոտոբանկАрмянская АЭС
Армянская АЭС - Sputnik Արմենիա
Բաժանորդագրվեք
Հայաստանի կանաչների միության նախագահ Հակոբ Սանասարյանը կարծում է, որ նոր ատոմակայան չպետք է կառուցել, իսկ եղածն էլ պետք է փակել, քանի որ վերջինի գոյությունը հակասում է անվտանգության նորմերին։

ԵՐԵՎԱՆ, 29 օգոստոսի–Sputnik. Հայաստանի կանաչների միության նախագահ Հակոբ Սանասարյանն այսօր հրավիրված ասուլիսի ժամանակ կարծիք հայտնեց, որ Մեծամորի ատոմակայանը պետք է փակել։

«Մենք ունենք ռեակտոր, որը կյանք  է մտել 1979 թվականին, այն դեպքում, երբ դրա կյանքի տևողությունը մոտ 25 տարի է։ Միայն այդքան ժամանակ այն կարող է ապահով աշխատել։ Նույնիսկ Սովետական Միության օրոք ուզում էին ռեակտորը թրծել, ջերմային մշակման ենթարկել, բայց հետո տեսան, որ հնարավոր չէ»,–ասաց Սանասարյանը։

Армянская АЭС - Sputnik Արմենիա
Առանց ատոմակայանի կյանք չկա. 10 տարի` ռազմավարական որոշում ընդունելու համար

Դեռևս ամիսներ առաջ ՄԱԿ-ի Ատոմային էներգիայի միջազգային գործակալության գլխավոր խորհրդաժողովի ժամանակ Թուրքիայի էներգետիկայի և բնական պաշարների նախարար Բերաթ Ալբայրաքը հայտնել էր, որ Մեծամորի ատոմակայանը պետք է փակել։ Նրա խոսքով` այն վտանգում է Հայաստանին ու նրա հարևաններին։ Այդ ժամանակ ՀՀ էներգետիկայի և բնական պաշարների նախարարի տեղակալն ասել էր, որ դա ոչ թե մասնագիտական, այլ քաղաքական նպատակներ է հետապնդում։

Հետաքրքրական է, որ հայաստանյան մասնագետներից ոմանք ևս նկատում են ատոմակայանի վտանգավորությունը։

Սանասարյանը հիշեցրեց, որ փորձագիտական հանձնաժողովները հաստատել են ատոմակայանի կողքով անցնող 5 սեյսմոտեկտոնիկ հանգույց և խզվածք։

«Երկրաբանական խզվածքներն երկրաշարժ են առաջացնում։ Խզվածքները բեկվում են, ավերիչ երկրաշարժեր են լինում»,–ասաց Հակոբ Սանասարյանը։

Նա տեղեկացրեց նաև, որ մեր ատոմակայանը շահագործելիս համապատասխան նորմերը չեն պահպանվում։ Օրինակ` հաստատված է, որ դրա շուրջ գյուղատնտեսական նշանակության հողատարածքներ չպետք է լինեն, շատ մոտ բնակավայրեր`ևս, որպեսզի վերահաս վտանգի դեպքում արագ տեղահանման խնդիր չլինի։ Բացի այդ, Սանասարյանը հիշեցրեց այն ուսումնասիրությունները, որոնք փաստում են` ատոմակայանի մոտ ապրող մարդիկ առողջական խնդիրներ են ունենում։

Նոր ատոմակայան կառուցելուն ևս Սանասարյանը դեմ է, քանի որ, ըստ հիմնավորման, այն ավելի թանկ է, վտանգավոր։ Հիդրոէլեկտրակայաններ, արեգակնային էներգետիկա. այլընտրանքային այս տարբերակներին է կողմնակից  Հակոբ Սանասարյանը։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала