ԵՐԵՎԱՆ, 1 հոկտեմբերի — Sputnik. Փհենյանը պատրաստ է «Վաշինգտոնին դաս տալ հարվածով», եթե ԱՄՆ-ն շարունակի սրել լարվածությունը և թշնամական գործողություններ հրահրի, ասել է Ասիա-խաղաղօվկիանոսյան շրջանում խաղաղության համար հյուսիսկորեական կոմիտեի ներկայացուցիչը, հայտնում է ՌԻԱ Նովոստին` հղում անելով Կորեայի կենտրոնական հեռագրական գործակալությանը:
«Ներկայացուցչի հստակ պարզաբանմամբ` Կորեայի Ժողովրդական Դեմոկրատական Հանրապետության (ԿԺԴՀ) պետական խորհրդի նախագահի հայտարարությունը վերջնագիր է` ուղղված ամերիկյան ագրեսորներին, որոնք կորցրել են խելամտությունն ու կաշկանդվել չուչխեական Կորեայի հզոր բանակի առջև, ինչպես նաև բավական կարևոր նախազգուշացում, որը ցույց է տալիս հաստատկամ դիրքորոշումը, որ հին խելացնորներին, անպայման, դաս են տալու` կրակով կրակին պատասխանելով», — մեջբերում է գործակալությունը չինովնիկի հայտարարությունը:
Ասիա-խաղաղօվկիանոսյան շրջանում խաղաղության համար հյուսիսկորեական կոմիտեի ներկայացուցիչը քննադատել է ԱՄՆ նախագահ Դոնալդ Թրամփի վերջին հայտարարությունը`կապված Հյուսիսային Կորեայի և ԱՄՆ-ի ՌՕՈՒ-ի թռիչքների վերաբերյալ:
Ավելի վաղ Թրամփը գրել էր, որ Հյուսիսային Կորեայի հետ հակամարտությանը ռազմական լուծում տալը հնարավոր է: Թեև նա դա անցանկալի է համարում, բայց ռազմական պատասխանը կործանարար կլինի Հյուսիսային Կորեայի համար:
Իսկ ԿԺԴՀ–ն հայտարարել էր, որ պատրաստ է խոցել ամերիկյան ռազմական ինքնաթիռները միջազգային օդային ապառազմականացված գոտու հյուսիսում` ԿԺԴՀ ափի երկայնքով ԱՄՆ ռմբակոծիչների և կործանիչների ցուցադրական թռիչքներից հետո:
