Հայաստանում կեղծ ամուսնությունները կկանխվեն, քաղաքացիություն ստանալ էլ կհեշտանա

© Sputnik / Alexey Malgavko / Անցնել մեդիապահոցОсень в Крыму
Осень в Крыму - Sputnik Արմենիա
Բաժանորդագրվեք
НовостиTelegram
ՀՀ քաղաքացիություն և անձնագիր ստանալու հնարավորություններն ընդլայնվել են երեխաների համար։

ԵՐԵՎԱՆ, 9 հունվարի — Sputnik. Հայաստանում որոշակիորեն հեշտացել է օտարերկրացու հետ ամուսնացած ՀՀ քաղաքացիների ու նրանց ամուսնությունից ծնված երեխաների կյանքը։

ՀՀ Քաղաքացիական օրենսգրքում անցյալ տարի ՀՀ ԱԺ-ի ընդունած փոփոխությունները ուժի մեջ են մտել 2018թ հունվարի 6-ից։

Паспорт - Sputnik Արմենիա
Հայերն ավելի հաճախ են հրաժարվում ՀՀ քաղաքացիությունից

ՀՀ ոստիկանության անձնագրային և վիզաների վարչության պետ Մնացական Բիչախչյանը Sputnik Արմենիայի հետ զրույցում, մեկնաբանելով օրենքի մի շարք նոր դրույթները, նշեց, որ դրանց արդյունքում ընդլայնվել են մինչև ՀՀ քաղաքացիություն և ՀՀ անձնագիր ստանալու երեխաների հնարավորությունները։ Եթե նախկինում անհրաժեշտ էր 2 ծնողի համաձայնությունը, ապա այժմ երեխան կարող է ՀՀ քաղաքացի դառնալ նրանցից մեկի համաձայնությամբ։

«Նախկինում եթե ծնողներից մեկն էր ՀՀ քաղաքացի, ապա երեխայի քաղաքացիությունը որոշվում էր ծնողների համաձայնությամբ։ Պրակտիկայում հանդիպում էին դեպքեր, երբ մեկ ծնողը երեխայի հետ տարիներ շարունակ բնակվում էր ՀՀ-ում, սակայն հնարավորություն չէր ունենում դիմելու, քանի որ մյուս ծնողը տարիներ շարունակ բացակայում է ՀՀ-ից կամ համաձայնություն չէր տալիս միտումնավոր»,- ասաց Բիչախչյանը։

Հայաստանում ծնված երեխաներն էլ այսուհետև նոր օրենքով ավելի հեշտությամբ են ՀՀ քաղաքացիություն ստանալու։ Այսպես` եթե երեխայի ծննդի պահին երկու ծնողներն էլ ՀՀ քաղաքացի չեն, բայց դրանից հետո մեկն ստանում է քաղաքացիություն, մյուսը` ոչ, ապա Հայաստանում բնակվելու դեպքում, մի ծնողի դիմումի հիման վրա երեխան առանց դժվարությունների կարող է ՀՀ քաղաքացի դառնալ։

Нерсес Крик Крикорян - Sputnik Արմենիա
Թե ինչպես քաղաքացիություն չունեցող հայ տղան ԱՄՆ-ի ԱԱԾ-ում աշխատանքի անցավ

Իսկ եթե երեխայի ծնողները երկուսն էլ ՀՀ քաղաքացի են, ապա, անկախ այն հանգամանքից, թե երեխան որտեղ է ծնվել, նա համարվում է ՀՀ քաղաքացի։

ՀՀ-ում բնակվող երեխան կարող է ՀՀ քաղաքացի դառնալ անգամ այն դեպքում, երբ նրա երկու ծնողն էլ ՀՀ քաղաքացիներ չեն, բայց այս դեպքում անհրաժեշտ է նրանց երկուսի համաձայնությունը։

Օրենքով պարզեցվել է նաև նախկին ՀԽՍՀ ազգության հայ օտարերկրյա քաղաքացիների ՀՀ քաղաքացիություն ստանալու ընթացակարգը։ Եթե նրանք մինչև 1995թ-ի նոյեմբերի 28-ը մեկնել է Հայաստանից և այլ երկրի քաղաքացիություն չեն ստացել, ՀՀ քաղաքացիություն ստանալու համար կարող են դիմել իրենց բնակության երկրում ՀՀ դիվանագիտական ներկայացուցչություն։ Իսկ եթե ստացել են այլ երկրի քաղաքացիություն, ապա ՀՀ քաղաքացիություն ստանում են արդեն ՀՀ նախագահի հրամանագրով։

Օրենքի միակ խստացումը վերաբերում է 18 տարին լրացած անձանց ՀՀ քաղաքացիություն ստանալուն։ Սա, ըստ Բիչախչյանի, կատարվել է կեղծ ամուսնությունների դեպքերը կանխելու նպատակով։

«Նախկինում սահմանված էր դրույթ, որ անձը պետք է վերջին 3 տարիներին մշտապես բնակված լիներ ՀՀ-ում, սակայն այդ դրույթը չէր տարածվում ազգությամբ հայերի և ՀՀ քաղաքացիների հետ ամուսնացած անձանց վրա։ Նրանք առանց երեք տարվա բնակության ցենզի կարող էին դիմել ՀՀ քաղաքացիություն ստանալու, և նախագահի հրամանագրով լուծվում էր նրանց քաղաքացիության հարցը։ Այս հարցում կատարվել է խստացում, որպեսզի ձևական ամուսնությունները չխթանվեն»,- ասաց Բիչախչանը։

Այժմ արդեն ՀՀ քաղաքացու և օտարերկրացու ամուսնական զույգը դիմում ներկայացնելուց առաջ պետք է առնվազն 2 տարի ամուսնացած լինի և այդ երկու տարվա ընթացքում մեկ տարին, կամ, ինչպես օրենքում է նշվում, 365 օրը պետք է բնակված լինի Հայաստանում։

Լրահոս
0