ԵՐԵՎԱՆ, 10 մարտի —Sputnik. Instagram սոցցանցում տարեցտարի ավելանում են հայկական անուն-ազգանուններով էջերը։ Հայերի ակտիվությունն այդ ծառայությունում կարելի է որոշել առաջին հերթին հեշթեգերի քանակով։ Դիտարկենք ամենապարզ օրինակը. հարևան երկրների ներկայացուցիչների համեմատ հայերն ավելի շատ են հեշթեգեր անում. #Armenian (849 494) #Georgian (276 651) #Azerbaijani (98 412)։
Սակայն ինչո՞վ են հայերը զբաղվում հայտնի սոցցանցում։ Մեր փոքրիկ ուսումնասիրությունը թույլ կտա պատասխանել այս ոչ այնքան հեշտ հարցին, քանի որ Instagram-ում լուսանկարներն ու տեսանյութերը բավականին հաճախ են թարմացվում։
Առաջին տեղում են բյութի-բլոգերները, մոդելները, դիմահարդարները, վարսահարդարները, դիզայներները։ Նրանց թվում են այն հայերն ու հայուհիները, որոնք բովանդակալից տեսանյութերի օգնությամբ վիրտուալ տիրույթում ցույց են տալիս, թե ինչով են իրենք զբաղվում իրական կյանքում։
Այդ գործը շատ հեշտ է ստացվում հատկապես դիմահարդարման վարպետ Գոհար Ավետիսյանի և դիզայներ Անահիտ Սիմոնյանի մոտ։
Համացանցում ակտիվ են նաև ստեղծագործող անձինք։ Երաժիշտները երգում են, պարում և ուրախություն պարգևում բազմահազարանոց լսարանին։ Ամենաակտիվներից են հայկական արմատներով պարուհի Վարդան (Վարդանուշ Մարտիրոսյան), պարուսույց Սոնա Եսայանը, ինչպես նաև ջութակահար Արա Մալիկյանը։ Նորությունների պատին կարելի է տեսնել նաև պատանի տաղանդների, որոնք դեռ չեն հասցրել համբավ ձեռք բերել։
Հայկական արմատներ ունեցող, բայց Ռուսաստանում մեծ ճանաչման հասած հեռուստահաղորդավարները, դերասաններն ու դերասանուհիները նույնպես ակտիվ են։ Օրինակ` Գարիկ Մարտիրոսյանը, Միխայիլ Գալուստյանը, Թինա Կանդելակին, Վյաչեսլավ Մանուչարովը։ Սրանք մարդիկ են, որոնք մշտապես գտնվում են առցանց ռեժիմում։
Ինչ վերաբերում է այն հայերին, որոնք հայտնիների շարքը չեն դասվում, ապա նրանք զարմացնում են ոչ միայն հետաքրքիր լուսանկարներով և ճաշակով, այլև դրա բացակայությամբ։
Instagram-յան գրառումներից կարելի է դատել, որ բացի գորգի ու «Նիվայի» ֆոնին արված տարօրինակ լուսանկարներից, հայերը կարող են նաև հետաքրքրել բաժանորդներին, օրինակ` նկարիչներն իրենց կտավները հրապարակելով, բժիշկները, լրագրողներն ու լուսանկարիչներն իրենց աշխատանքի մասին պատմելով։
Ներկա պահին «Armenia» հեշթեգի թիվն Instagram-ում հասնում է 3.289.627-ի, իսկ «Армения»-ինը` 755 017-ի։ «Yerevan» հեշթեգով գրառումները 895 931-ն են, իսկ «Երևան» հեշթեգով` 428 058։
Instagram-ում այսօր 520 հազար հայ օգտատեր կա, որոնք ակտիվ են եղել վերջին մեկ ամսվա ընթացքում։